by

Gabinete PAM Husu ba SMS no SMEJD Baucau atu utiliza material prevensaun covid 19 ho resposabilidade.


Hafoin Gabinete Prezidente Autóridade Munisípiu Baucau reprezenta Prezidente Autóridade Munisípiu Baucau Olivio freitas halo enseramentu Catholic Relief Services(CRS) apoiu material prevensaun covid-19 ba Serbisu Munisipál Saúde(SMS) no Serbisu Munisipál Edukasaun Juventude no Desportu Munisípiu Baucau iha Salaun Serbisu Sentru Saúde Riamare Gabinete PAM Baucau husu ba instituisaun rua refere atu utiliza material prevensaun covid 19 ne’ebé CRS apoiu maske oituan ou barak.


Gabinete Prezidente Autoridade Munisipiu Baucau Carolino Da costa Ornai Maques hateten material hirak ne’e oituan ka barak tenke simu fuan ho laran no kuidadu ho responsabilidade,tamba tuir nia timor nia lisan wainhira parseiru ruma fo apoiu gratuita sidadaun sira utiliza sasan la ho responsabilidade.


“ hau lori prezidente nia naran husu serbisu munisipal saude no serbisu munisipal edukasaun juventude desportu baucau apoiu atu oituan ka barak ita simu ho laran i uza ho kuidadu no laran no resposabilidade tamba ita timor ne’e tomak hanesan ne’e buat ne’e ema fo gratis be konforme uza soe tiha aban fo tan,ita tenke halokn situasaun no hahalok sira hanesan ne’e”dehan Gabinente PAM Baucau Carolino ba jornalista RCLM Sesta-Feira(23/04) wainhira ensera serimonia CRS apoiu material prevensaun covid-19.


Nia hatutan tuir ema matenek nain husi rai liur hateten virus covid-19 ho ema dadaun moris hamutuk ona tamba ne’e atu halo prevensaun ba virus covid-19 depende fali ba ema ida idak nia maneira atu salva an husi virus covid-19 ne’e rasik.


“hodi kalan hau le ita nia matenek balun husi rai lir hateten buat ida era new lokal ne’ebe sira hateten afinal ho nia intensaun covid ho ema moris hamutuk ona ne’ebe atu halo prevensaun depende fali ba ita ema ida idak nia maneira oinsa atu salva an ida ne’e ita buka”.


Iha fatin hanesan Reprezentante Serbisu Munisipál Edukasaun Juventude no Desportu Munisípiu Baucau Afonso dos Santos da Costa agradese ba CRS baucau ne’ebé apoiu ona maskra rihun rua nolu hodi destribui ba eskola sira maske maskra ne’e seidauk to’o eskola sira tamba eskola iha teritoriu baucau barak liu tamba ne’e nia husu nafatin apoiu ba parseiru sira hodi apoiu nafatin material prevensaun covid-19.


“apoiu hirak ne’ebe ami edukasaun foin hetan husi CRS nian liu liu ba deit maskra rihun rua nolu ida ne’e ami sei destribui ba ami nia alunus sira eskola iha munisipiu baucau ida ne’e seidauk to’o maibe ita nia parseiru sira fo ona ita agradese mais ami husu nafatin apoiu tamba eskola iha baucau barak kauze atus rua Ualu nolu ital mak existe iha ne’e”.


Hola parte iha iha serimonia CRS apoiu material prevensaun covid-19 ba SMS no SMEJD Baucau mak hanesan reprezentante komando PNTL,CVTL Filial Baucau inklui pesoal saúde sira ih sentru Saude Siamare.

Comment