by

SMS Baucau, Reativa Hikas Sentru Saúde Ualili no Riamare


Relasiona ho pesoal saúde nain tolu ne’ebé laboratoium nasionál detekta pozitivu covid-19 iha sentru saúde Uailili tamba ne’e Servisu Munisipál Saude(SMS)Baucau,hapara provizoiu sentru saúde Uailili inklui Riamare maibe dadaun ne’e Serbisu Munisipál Saúde,hahu reativas hikas ona tamba pasiente nain tolu ne’ebé konfirmadu pozitivu covid-19 bainhira halo fali Swab dala rua rezultadu hetan negativu hotu.

Direktor Serbisu Munisipal Saude Baucau,Leonel Guteres ba Jornalista Radio Comunidade Lian Matebian hateten,dadaun ne’e sentru saúde rua refere ne’ebe provizoriu taka hahu reativa iha loron rua fulan abril hodi halo tratamentu saúde ba komunidade sira to’o agora.

“sentru saúde Ualili kuandu detekta ita nia pesoál saúde nain 3 pozitivu bainhira halo swab ba nain tolu pozitivu automatikamente sira hotu-hotu autokarantina iha uma durante 14 dias iha loron 29 halo fali swab dala rua hotu-hotu negativu iha iha dia 2 ne’e kedas sira reativa fali sentru saúde riamare,maibe iha fali dia 22 kuandu halo swab ba pesoal saude iha Ualili hotu hotu negative hotu entaun iha loron 2 ne’e kedas sira tama fali serbisu,i kolega ida ba izolamentu loron lima rekopera fila fali siginifika katak balun afetadu liu no balun oituan deit entaun loron lima nia fila falim mai,antes fila mai kolega sira iha neba seidauk serbisu tamba swab dala rua seidauk halo maibe bainhira halo hotu swab ba sentru saúde rua ne’e ho susesu i rezultadu husi sentru saude rua negative hotu entaun agora sentru saude rua ne’e reativas hotu ona”dehan Leonel ba RCLM Sesta-feira(09/04).

Lionel hatutan iha parte seluk,dadaun ne’e iha salaun Centru Convensoens Baucau(CCB)atendementu emerjensia kontinua funsiona tamba situasaun agora komunidade sira ba pesoal saúde sira mos tauk ho razaun ne’e sebisu munisipál saúde baucau indetifika fatin CCB hodi fo atendiemntu emerjensia ba komunidade ne’ebe mak halo tratamentu.

“CCB ne’e ita halo atendementu emerjensia tamba situasaun agora ne’e ema atu ba pesoál saúde sira mós tauk tamba enfermeiru sira mak afeta uluk covid-19 ne’e ita atu ba iha ne’ebe entaun ita identifika area balun tenke livre ba sira i faselita lalais,CCB ne’e desde 2020 covid kuandu mosu ekipa ida halo tratamentu ou atendementu covid ninian depois triazem mos halo hanesan bai-bain,depois CCB iha loron 4 marsu kuandu Sua exelesnia ministra saúde fó orientasaun mai atu buka fatin ruma para tenke izola ema iha baucau entaun ekipa nivel altu iha munisípiu kompostu husi PAM komdante PNTL,F-FDTL,vetreranus deside para SPK ho poliklinika ne’e mak halo tratamentu tenke perapa ba izolamentu provizoriu entaun ita tenke buka solusaun seluk ba komunidade sira iha momentu ne’e riamare taka ualili taka la iha dalan seluk saúde munisípiu husu autorizasaun ba PAM baucau empresta lai provizoriu CCB atu halo tratamentu alternativa ba ita nia komunidade baucau vila tamba sira ba óspital rua refere afetadu hotu entaun solusaun iku mak CCB ne’e”hatutan Leonel

Nia esplika Serbisu Munisipál Saúde hili CCB sai fatin atendimentu emerjensia ba komunidade sira tamba salaun neba iha fatin luan hodi bele halo distansiamentu social atu prevene moras covi19,iha ne’ebe,Sebisu Munisipál Saúde baucau husu ba Prezidente Autóridade Munisípiu Olivio freitas atu extende tan fatin CCB sai fatin emerjensia hodi halo atendementu saúde ba komunidade.

“ami hili CCB pozitivu diak tebes tamba komunidade sira simu tiha ai-moruk kareta ida liu ba ona la enkomoda ema seluk ita ko’alia ba distasiamentu diak tebes tamba kareta ida mosu la’o ona tamba ne’e dik los,horseik mos hau lisensa tan ba prezidente autoridade munisipiu bele extende tan la fula ida ka rua antes ita muda ita nia fatin izolamentu ba fatin destinadu ne’ebe iha tamba reuniaun ita seidauk halo”

Dadaun ne’e tratamentu ne’ebe mak pesoál saúde sira halo CCB mak hanesan tratamentu ambulatoriu ou ba ema ne’ebe moras bain bain la presiza baisa maibe simu ai moruk fila ona ba nia uma.

Jornalista :AG no AF

Editór :Agus Guterres

Comment