by

Munisípiu Baucau Nafatin Sai Zona Mean ba Covid-19


Munisípiu Baucau dadaun ne’e nafatin sai zona mean ba surtu Covid-19 tamba tuir ekipa Sala Jestaun Krize Munisípiu Baucau nota katak volume ba sidadaun sira ne’ebé afeitadu Covid-19 nafatin iha.


Lia hirak ne’e hato’o husi Diretor Servisu Munisipal Saúde Baucau Leonel Guterres ba jornalista Radio Comunidade Lian Matebian Baucau sesta feira ne’e hateten,munisípiu baucau nafatin sai zona mean ba surtu covid-19 tamba tuir rezultadu teste SWAB ba sidadaun sira ne’ebé mai husi fatin afeitadu ba covid-19 no rezultadu teste iha laboratorium la liu loron ne’ebe determina númeru kazu aumenta ba bei-beik.


Nia afirma atu zona livre ne’e tuir ekipa saúde iha katak durante iha loron sanulu nia laran ne’e iha kazu ida maibé antes tama loron sanulu kazu sa’e maka’as.


“Sim agora dadaun ne’e ita munisipiu baucau nafatin iha zona merah,por ezemplu kazu sanulu resin ida ne’ebe ita haruka ba kuandu atinje deit to’o vinte seis nia tun tiha seidauk to’o loron sanulu mosu fali deit,ne’ebe ita dehan ba iha zona livre ne’e pelu menus loron sanulu tui-tuir malu ida-ida ou la iha maibe antes tama loron sanulu nia sae fali mai walu no sia tan ne’e signifika ita zona merah ne’ebe ita seidauk livre husi situasaun ida be zona merah ne’e” Dehan Diretor Servisu Munisipal Saúde Baucau Leonel Guterres ba jornalista RCLM-Baucau Sesta Feira ne’e,(09/04/21).


Atual Diretor Servisu Munisípal Saúde Baucau apela ba sidadaun hotu-hotu nia kontribuisaun hodi minimiza transmisaun moras ne’e ba ema seluk tamba implementasaun serka sanitaria no komfinamentu obrigatóriu ne’e ba sidadaun hotu-hotu.


“Bom serka sanitaria ne’e laos ba ema ida ema rau mak tenki atende ida ne’e hahu husi sidadaun ida-ida tenki kumpri serka sanitaria primeiru nia tenki buka liafuan ida serka sanitaria ne’e ba individu ne’e dehan saida segunde ba ita sira ne’ebe atente ema serka sanitaria nia signifika ne’e saida,ne’e primeira ema tenki inteira liafuan ida serka sanitaria ne’e,depois saida mak pessoal saude sira halo agora pillar integradu ida iha Triloka iha ne’eba iha pillar ida,rua,tolu,haat,lima, pillar lima ne’e integra hamutuk iha ne’eba ida atu halo ita hein ita nia maluk sira ne’ebe mai husi dili tamba rezultadu dadaun ne’e mai husi dili hotu deit baucau seidauk iha,entaun antisipa mak serka sanitaria agora lao ba dala rua no dala tolu ninian ne’e pessoal saude sira ne’e tuur karik hanesan busa nia pozisaun ne’e hanesan busa agora ne’e mosu husi ne’ebe ba buka tuir depois kaer I depois se movimentu ida ne’e mak komunidade hotu-hotu hakarak tuir regra ida ne’e baucau ita sei ba fali zona kinur no zona hijau mais lakohi kumpri lao badiu tun sae merkadu mos loke fila fali mak zona merah mos sei la livre” Nia haktuir.


Hare’e númeru kazu pozitivu importadu parte Saúde Munisípiu Baucau apela ba komunidade sira, iha tempu implementasaun serka sanitaria kontinua kumpri regra husi Ministériu Saúde no Organizasaun Saúde Mundiál.

Comment