by

Pasiente Pozetivo Covid 19 Nain 8 sei Izola iha Eis Óspital Referal Baucau


Semana ne’e ekipa Postu Vizilansia Triloka detekta sidadaun Baucau oan nain ualu pozetivo covid 19 nebe mai husi area afeitadu Dili .


Kórdebador Centru Integradu Gestaun Crize Munisípiu Baucau Salisiano Pinto ba Jornalista Radio Comunidade Lian Matebean Baucau hateten Ministerio saúde orienta ona Centru Integradu Gestaun Crize Baucau quinta feira ne’e, hahu izola pasiente pozetivo sira iha Eis Óspital Referal Tirilolo Baucau.


Nia afirma mesmo kondisaun fatin izolamentu seidauk minimu maibe pasiente pozetivo nain ualu sei izola iha fatin nebe identifika ona. Enkuantu mezmu governu dekreta ona dektreitu lei atuto izolamentu iha uma maibe tuir monotorizasaun CIGC nota latak pasiente sira nia hela fatin la priense kriteria auto izolamentu nian.


” Nivel estrutura Autoriddade Municipiu Baucau hamutuk ho CIGC ami ohin kolia ona tamba iha ona orientasaun husi ministerio saúde orsida lokraik izola ona ita nia sidadaun ne’ebé mak detekta ona iha hodi-bainrua no no orseik hamutuk nain ualu ba fatin nebe mak ita prepara ona mesmu kondisaun ne’ebé mak minimu maibe ne’e mak kondiasaun ril Baucau nian maibe ita nia ekipa saude sira prepara ona kama hamtuk tolu nolu resin rua , instala ona ahi eletrisidade no bee mos inklui hahan hodi faselita ba pasiente sira durante tratamentu iha fatin izolamentu”. Dehan sales iha CIGC municipiu baucau Quinta Feira (08/04/2021).


Sales hatutan ema sira ne’ebé mak halo atendementu ba pasiente pozetivo sira mak mai husi mediku sira ,siguransa inklui mos kliner sira .


” ami koloka ona profisional saúde nain rua mediku ida no infermeiru ida , kliner nain rua no siguransa hodi akompanha sira durante Quatorge dias (14). Entertantu kompanha nebe fornese ai han ne’e hu haluhan nia naran maibe orseik iha ona orientasaun prezidente autoridade bolu ona kompanha ne’ebé fornese ai han atu informa ba nia hodi tuir menu husi ministerio saúde ninian”.


Dadaun ne’e ekipa CIGC halo ona preparasaun ba fatin izolamentu no tuir planu iha parte lokraik ekipa CIGC sei ba tula obrigatoriu pasinete sira atu izola iha fatin nebe identifika ona enkuantu pasiente pozetivo nain ualu ne mai husi postu administrativo Baucau Vila’ Venilale, Laga no Postu Administrativo Quelicai.


Jornalista : Feliciano Venancio Belo
Ediótor : Nazario Bento

Comment