by

Kalendáriu MEJD,Ezame Primeiru Periodu Ba Estudantes Sei Hala’o Iha Segunda Semana Oin


Tuir kalendáriu husi Ministériu Edukasaun Juventude no Desportu(MEJD) ezame primeiru periodu ba estudantes sira hahu husi Ensinu Pre-Primaria to’o Ensinu Sekundária Jeral no Tekniku Vokasionál sei hala’o iha segunda seman oin loron sanolu resin rua fulan abril maybe,ba Munisípiu Baucau Viquque no DIli posibilidade sei extende bazeia ba sirkular MEJD ho númeru referensia 44/DGES-DEGEPEBER/MEJD IV/2021.
Direktor Serbisu Munisípal Edukasaun Juventude no Desportu Munisípiu Baucau,Felis Ximenes ba Jornalista Radio Comunidade Lian Matebian Baucau hatete,maske tuir kalendáriu nasionál fo sai ona órariu ezame nian iha segunda,maibe posibilidade Munisípiu baucau inklui Munisípiu rua seluk sei extende tamba sei iha hela serka sanitária no konfinamentu obrigatoriu nia laran.
Nia afirma,dadaun ne’e servisu munisípal edukasaun sei hein orientasaun husi Ministériu edukasaun Juventude no desportu iha ne’ebe,wainhira desizaun tun ona sevisu munisipál edukasaun prontu ezekuta tamba,antes ne’e eskola sira halo ona perparasaun Pontus ezame ba estudantes sira.
“tuir kalendáriu nasionál ezame primeiru periodu monu iha iha dia 12 abril segunda mai ne’e maibe,tamba baucau mos tama iha serka sanitária no konfinamentu obrigatoriu segunda faze to’o dia 10 tamba ne’e,aban mak halo avaliasaun ba situasaun evolusaun covid-19, ne’ebe se aban mak la halo extensaun serka sanitária no ministériu orienta ona ou atoriza ona atu halo ezame primeiru periodu mak baucau hahu husi edukasaun pre-eskola to’o ensinu sekundaria jeral no tenkniku vokasional ita preparadu atu halo ezame tamba,antes baucau implementa serka sanitária no konfinamentu obrigatoriu profesores sira Pontus ezame primeiru periodu preparadu hein halo imprimisaun i halo multiplikasaun ba ezame primeiru periodu”dehan Felis ba Jornalista RCLM Quinta- feira(08/04)iha nia kanar fatin edifisiu SMEJD Baucau.
Felis hatutan,Servisu Munisipál Edukasaun Baucau iha ona planu wainhira posibilidade aula prezensial iha segunda,ba númeru estudantes iha eskola sira ne’ebe mak barak dadaun ne’e estudantes iha postu administrativu sira bele akompaña aula prezensias provizoriu iha eskola postu administrativu sira to’o situasaun normal mak bele kontinua estudu iha Munisípiu.
“inisiativa ou tentativas husi serbisu edukasaun munisipal baucau ninia karik segunda mai mak halo primisaun ba aula prezensial em relasaun ho numeru estudantes ne’ebe mak barak foin ami rua ofisial ensinufo hanoin ba malu ona estudantes sira husi postu administrativu sira mak mai frekuenta aulas prezensiais iha munisipiu sira kontinua halo akompanaentu aula prezensial iha postu administativu deit tamba agora labarik sira fila ona ba postu administativu sira entaun provizoria sira akompaina iha postu administrativu to’o aban bainrua situasaun lao normal mak sira mai fila fali tuir aula iha munisípiu”hatutan Felis
Aktual Direktor Sebisu Munisipál Edukasaun Juventude Desportu Munisípiu,husu ba estudante sira hakamatek iha uma hodi estuda materi sira ne’ebe mak profesores sira hanorin ona,enkuantu husu mos ba ina aman no profosores akompana oan sira hodi asesu edukasaunn online ne’ebe ministériu fo sai ona.

Comment