by

Saude Munisípiu Baucau Labele Komemora Loron Mundial Saude Iha Baucau.


Kestaun ne’e hato’o husi Diretor Servisu Saude Munisipiu Baucau Leonel Guterres ba jornalista Radio Comunidaade Lian Matebean Baucau Kuarta Feira ne’e hateten Servisu Saude Municipiu Baucau Labele Komemora Loron Mundial ba Saude iha Municipiu Baucau tamba relasiona ho moras covid 19 ne’ebé dadaun ne’e da’et ona mai iha Municipiu Baucau hodi nunee pessoal saude sira hotu hotu tama iha ekipa pilar ida too sia hodi hala’o servisu prevensaun ba moras Covid 19.


Nia afirma relasiona selebrasau loron Mundial Saude Timor Leste hahu halo lansamentu dahuluk Vasina Astrazeneka ba sidadaun Timor Leste iha Dili, enkuatu iha Municipiu Baucau pessoal saude sira fahe ba area rua balun ba prevensaun covid nian no balun ba programa esensial liga ba Vasina Astrazeneka nian.


” Mundu tomak selebra loron Saude Mundial, iha Timor Leste atu priense ba loron importante ne’e ohin hahu lansamentu dahuluk vasina astrazeneka ba covid 19 nian iha Dili enkuantu iha Munisípiu Baucau ita nia pesoal sira ne’ebé servisu, hare ba iha area rua ida ba covid nia ne’ebé agora la’o hela ida seluk hare ba iha programa ida ne’ebé esensial liga mos ba iha vasina nian, ita nia pesoal saude sira balun prepara hela dadus, fo treinamentu ba ita nia pesoal saude sira iha sentru saude ne’ebé ita mos sei realiza iha dia 12 de Abril iha Munisipio Baucau, bainbain situasaun nolmar aktividade bo’ot hanesan ne’e ita halo lansamentu ne’ebe ema hotu bele hare iha fatin ruma, maibe dala ida ne’e ita afeitadu ba covid, afeita ba dezastre naturais entaun kuaze ita bok an la di’ak no fahe rekursu la to’o entaun ita relembra fali aktividade sira ne’ebé iha relasaun ho loron mundial saude nian” Dehan Doutor Leonel Guterres quarta feira ( 07/04/21).


Nia hatutan tema Sentral ba loron Mundial Saude iha Timor Leste mak” Labele Tau Ses Ema Ida Iha Kotuk Maibe Tau Ema Hotu Hanesan”.


” Iha Baucua fulan Abril ne’e ita sei fokus liu ba kazu positivu covid nia ne’ebé loron ba loron kazu aumenta ba bebe’ik, parte ida mos fila ba loron Mundial Saude nian, ne’ebé ho tema sentral mak ne’e la bele tau ses ema ida iha kotuk ema hotu hanesan”


Tuir observasaun Jornalista iha tereinu nota katak pessoal Saude sira iha hotu Sentru Integradu Jestaun Krize hodi hala’o servisu ba prevenaaun covid 19.

Jornalista : Feliciano Venancio Belo
Editor : Sandra Lucylia

Comment