by

Postu Vijilansia IhaTriloka Foti ona Swab ba Sidadaun Atus Ida Husi Dili


Hafoin reativa fali Postu Vijilansia iha Suku Triloka Postu Administrativu Baucau Vila hahu sabadu to’o segunda-feira semana ne’e ekipa pilar lima husi Setru Integradu Jestaun Krije Baucau foti ona Swab ba sidadaun nain atus ida tama sai iha Munisípiu Baucau.
Resposabel Pilar lima husi SIJK Baucau Vita Correia ba Jornalista Radio Comunidade Lian Matebian Baucau,hafoin reativa fali postu vijilansia iha sabadu ekipa pilar lima foti swab hamutuk rua nolu resin ne’en no iha segunda-feira semana ne’e foti tan Swab hamutuk hitu nolu resin hat.
Vita correia, afirma swab ne’ebe ekipa postu vijilansia foti maoria sidadaun baucau oan ne’ebe fila husi dili,enkuantu ba sidadaun munisipiu Lautem no Viqueque ekipa fo autorizasaun hodi halo swab iha fronteira .
“komesa halo Swab ne’e iha sabadu domingu la iha horseik segunda mak kontinua,sabadu ne’e halo swab 26 domingu la iha segunda dader to’o loraik 26 depois loraik to’o fali kalan bo’ot ne’e mak 48 sira ne’e baucau oan mai husi dili mak ami halo swab ne’e ba munisipiu rua sira ba sira nia fatin mak swab iha neba ami fo sira liu deit”hateten Vita ba RCLM Tersa-feira(06/04).
Nia esplika,razaun postu vijilansia triloka tenke halo swab ba sidadaun sira tamba sidadaun hirak ne’e mai husi area afetadu covi-19 iha kapital Dili,entertantu ba sidadaun sira ne’ebé halo ona swab iha Nasionál no iha ona rezultadu ekipa sei la halo ona swab.
“sira husi dili ami halo swab tamba sira mai husi area afetadu tamba ne’e molok tama mai baucau ami tenke swab,sira balun halo ona swab iha nasionál no iha karta rezultadu laboratorium ami fo liu maibe sira ida la iha ami halo konsolin sira no kopera ho ami halo swab”hatutan Vita
Nia hatutan,rezultadu husi swab ne’ebe ekipa halo,nain rua nolu resin ne’en hetan rezultadu negative,husi dili mai baucau ema nain lima no nain rua nolu resin ida husi munisípiu seluk ,enkuantu ba nain hitu nolu resin hat dadaun ne’e iha prosesamentu laboratorium Horex no iha tempu badak sei fó sai rezultadu konaba pozitivu ou negativu.
“rezultadu sabadu 26 ne’e negative hotu no sira ne’e mai husi viqueque tama mai baucau,balun ema suai likisa oekusi ne’ebe sira hakarak ba fali familia ne’ebe sira mai to iha ne’e ami atende tiha ita nia husi dili mai baucau iha nain lima,ida horseik ne’e sira lori ona ba laboratorium maibe tamba sapel barak los ga lae ne’ebe ami seidauk halo prosesamentu ba iha sampel ne’e agora lori tan ona ba ora oras tan kolega sira prosesa meudia hanesan ne’e hotu ami bele fo sai rezultadu”
Ekipa postu vijilansia triloka husu ba sidadaun hirak ne’ebe halo ona swab, dadaun ne’e iha ona nia horik fatin tenke autokarantina to’o loron sanolu resin hat la iha sintomas ruma mak foin bele halo movimentu ba mai.

Comment