by

CIGC Sujere ba KM atu Extende tan SS iha Baucau

Relasiona ho implementasaun serka sanitaria no konfinamentu obrigatorio nebe hahu iha loron 15 too loron 29 fulan nee iha nunisípiu nebe remata ona, parte centru integradu gestaun krize sujere ba konselho ministru atu extende tan serka sanitaria no konfinamentu obrigatoriu iha municipiu baucau durante loron sanolu hat nia laran .


Kórdenador masímu Centru Integradu Gestaun Crize minisípal Baucau Olivio Freitas Bou-Lesa hateten sei hatoo proposta hodi aumenta tan serka sanitaria no konfinamemtu obrigatoriu tamba iha postu baucau administrativo Baucau Vila pasiente pozetivo covid-19 kontinua aumenta atu tamba ne’e hodi fo oportunidade ba ekupa pilar ida too pilar sia atu halao sira nia servisu, hodi prevene moras surtu kovid 19.


” Hanoin konjunta husi CIGC Baucau atu hato’o proposta ba iha Konselho Ministru tamba situasaun ril ne’ebé iha Baucau covid-19 adia aumenta ba oin ne’ebé CIGC sujere ba ministeriu Estatal liu husi mensagen bele extende tan Quatorze dias hodi fo oportunidade ba tekniku fasil halo vigilancia buka tuir ema sira ne’ebé mak besik kontaktu besik ho maluk sira ne’ebé pozetivo covid-19 liu husi rejultadu swab ne’ebe laboratoriun HoREX Baucau fo sai , banhira ita hatene ona katak labele aumenta tan lockdown tamba ita la hetan ona moras covid foun iha Baucau .Hau nudar prezidente autoridade senti katak tenki porlonga tan loron lubuk balun para ita hare ba oin”. Dehan PAM Baucau iha sentru integradu Gestaun Crize munisípal Baucau segunda feira,(29/03) .


Iha enkontru extra-ordinariu ho ekipa centru integradu gestaun Crize,prezidente autoridade municipiu baucau Ólivio Freitas “Bou-Lesa” aseita atu porloga serka sanitaria konfinamentu obrigatoriu dunrante loron sanolu resin hat iha municipiu bauacau.


” ohin ami enkontru extra-ordinariu ho ekipa konjunta CIGC tamba loron ohin serka sanitaria konfinamentu obrigatoriu remata ona maibe hau nudar prezidente Autoridade aseita proposta husi CIGC nian atu extende tan tamba kada loron mos iha munisípiu Baucau mos kontinua aumente kazu pozetivo Covod-19 tamba ne’e nia sei mensagen ba estatal atu porlonga tan serka sanitaria konfinamentu obrigatoriu iha munisípiu Bauca “.


depois de enkontru prezidente autoridade municipiu Baucau haruka kedas mensagen liu husi via telefone/online ba ministero estatal atu hatoo preukupasaun nee iha enkotru exra-ordinario iha konselho ministru atu extende tan Serka sanitaria konfinamentu obrigatoriu durante semana rua nia laran hodi fo espasu ba ekipa vigilancia sira atu buka tuir ema sira nebe mak kontaktu besik ho pasiente pozetivo covid 19 iha municipiu naucau.

Jornalista : Feliciano Venancio Belo

Editór : Nazario Bento

Comment