by

Vendedores no Kompradores Vila-Nova Baucau Seidauk Kumpri Regras husi MS no OMS


Tuir observasaun jornalista RCLM-Baucau nota katak iha Merkadu Vila-Nova Baucau dadaun ne’e vendedores no kompradores la kompri prot’okolu hosi Ministériu Sa’ude no Organisaun Mundiál Saúde tamba vendedores no kompradores balun la halo distansiamentu sosiál no la uza maskra hodi prevene Covid-19 maske governu implementa ona serka sanitaria no konfimamentu obrigatoriu iha Munisípiu Baucau.

Maske nune’e Sentru Integradu Jestaun Krize Munisípiu Baucau liu hosi pilar dois ba informasaun no pormosaun kinta feira kontinua fahe informasaun relasiona ho Covid-19 ba Vendedores no Kompradores iha Merkadu Vila-Nova Baucau atu prevene an hosi pandemia Covid-19 ne’ebé dadaun ne’e afeita ona iha Munisípiu Baucaua, asuntu ne’e hato’o hosi responsavel pilar dois ba informasaun no promosaun Luiza Amaral hafoin fahe informasaun ba vendedores sira iha Merkadu Vila-Nova Baucau.

“Hanesan iha merkadu ohin ami hare’e mos ema nafatin barak vendedores no kompradores sira ne’ebe nafatin barak no la iha distansia maibe maioria uza maskra duni klaru katak imformasaun ne’e ita sempre hato’o ba sira loro-loron sempre avizu ba sira maibe ita komprende tamba komunidade mak hanesan ne’e ona importante mak ita fahe imformasaun nafatin atu nune’e bainhira sira ba iha fatin publiku karik sira tenki uza maskra hatoman an fase liman bei-beik ho sabaun no sira tenki halo distansia ba malu tamba ita nia komunidade barak ne’ebe mak dehan se ita lasai husi uma mos ita lahetan ai han no la hetan buat ruma entaun ita mak komprende ida ne’e maibe imformasaun nafaitn kontinua ita fahe ba sira atu nune’e sira mos bele komprende no apar bainhira bainhira sai ba liur karik saida mak sira presiza halo”. Dehan Responsavel pilar dois ba informasaun no promosaun Luiza Amaral ba jornalista RCLM_Baucau (24/3/21),hafoin fahe informasaun ba vendedores sira iha Merkadu Vila-Nova Baucau.

Nia hatutan ekipa pilar dois ba informasaun no promosaun tama sai merkadu hodi fó avizu ba komunidade sira oinsa halo distansiamentu sosiál, fase liman bebeik ho sabaun no uza maskra inklui alerta mos ba loja no kios na’in sira bele loke maibé tenke tuir protókolu ne’ebé estabelesidu.
Alende fahe informsaun Covid-19 ekipa pilar dois fahe mos informsaun no prevensaun kona-ba moras dengue tamba iha Munsípiu Baucau foin lalais ne’e moras dengue hamate ona ema na’in ida.

“Imformasaun ne’ebe mak ami sempre hato’o ba iha parte merkadu ninian ka ba komunidade nafatin uza maskra tenki fase liman ho sabaun ho bee ne’ebe suli depois ho distansiamentu ne’ebe mak iha avizu mos ba iha merkadu no loja no kios sira ne’ebe mak bele loke ba sira ne’ebe mak faan deit ba iha sembaku ninian ida ne’e mak ohin ami hato’o iha merkadu,ita mos hatene katak agora dadauk kaz la’os deit ba iha covid ninian ne’ebe mak afeita mai iha ita munsipiu baucau maibe ita mos iha kazu dengue ne’ebe mak iha entaun aleinde imformasaun covid ninian ami mos hato’o kona ba imformasaun ba prevensaun ba iha dengue ninian,fo hatene mos bainhira iha sintomas ba iha dengue ninian bainhira iha sintomas ida ne’e karik halo favor hakbesik an ba iha fasilidade atu nune’e bele hetan trataementu” Luisa Amaral hatutan

Responsavel pilar dois ekipa informasaun no promosaun husu ba komunidade hotu atu nafatin kompri serka sanitariu no konfinamentu obrigatoriu hodi hakmatek iha uma,aleinde husu mos ba komunidade atu fó informasaun ba parte SIJK wainhira sidadaun ruma tama illegal mai Munisípiu Baucau nune’e bele evita transmisaun lokál iha komunidade.

Jornalista :Abrão Freitas no Agus Guterres

Editór : Agus Guterres

Comment