by

CIGC Munisípiu Baucau Deside Pasiente Covid 19 Nafatin Lori Ba Sala Izolamentu Dili


Centru Integradu Gestaun Crize Municipiu Baucau,deside pasiente sira nebe mak konfirmadu pozetivo Covid 19 nafatin trasporta ba sala izolamentu vera crus Dili,mezmu identifika ona eis SPK iha Tirilolo Baucau sai hanesan sala izolamentu ba pasiente covid-19 iha municipiu Baucau.


Koordenador Centru Integradu Gestaun Crize Municipiu Baucau Salesiano Pinto ba Jornalista Radio Comunidade Lian Matebean Baucau hateten semana nee provizoriamente, pasiente confirmdu pozetivo covid-19 sei lori ba nasional tamba fatin nebe mak Autoridade Munisípiu no Centru Integradu Gestaun Crize deside nee,presiza atu kompletan buat balun hafoin bele utuliza ba sala izolamentu ba pasiente pozetivo 19 iha Munisípiu Baucau.


” horseik no ohin ami kontinua esforsu an nafatin atu bele konpleita tan buat faselidade balun, tamba ne’e kazu ne’ebe ita labele anuncia ami sei asegura lai hafoin anuncia iha nasional mak ami kontaktu nasional atu lori ba nasional”. Dehan Sales Pinto iha Centru Integradu Gestaun Crize munisípiu Baucau quarta feira (24/03).


Nia afirma fatin nebe mak identifika atu sai sala izolamentu nee presiza kompleta faselidade balun hanesan eletrisidade, Bee mos inklui ai han ba pasiente sira, pessoal saude inklui siguransa sira.


” Ami husi CIGC munisípiu Baucau hamutuk ho autoridade Munisípiu ami esforsu nafain atu estabelese Izolamentu iha ne’e, maibe ho kondisaun ril ne’ebé mak ami infrenta sei presija instala bé no mos ahi eletrisidade depois prepara ketering ai han ba pasiente sira no pessoal saude sira ne’ebé jaga no siguransa sira enkuantu difikuldade hirak ne’e ba semana ne’e no semana oin esforsu an atu kompleita hirak ne’e hotu banhira pasiente iha karik ita bele estabele mais ami seidauk prontu tamba kondisaun ril ne’ebé mak ami infrienta”.


Centru Itegradu Gestaun Crize Munisípiu Baucau semana nee nafatin tenta ministeriu saude atu faselita lalais faselidade hodi bele kompleta sala izolamentu nee, atu nune’e iha semana oin bele uza ona.

Jornalista : Feliciano Venancio Belo
Editór : Sandra Lucelya

Comment