by

SIJK Kontinua halo Swab no foti Amostra ba Sidadaun ne’ebé halo Kontaktu ho Pasiente Pozitivu Covid-19


Sentru Intégradu Jestaun Krize munisípiu Baucau liu hosi Ekipa Vizilansia no epidemologia kuarta feira ne’e kontinua halo swab no foti amostra ba sidadaun ne’ebé halo kontaktu Besik ho pasiente konfirmadu positive Covid-19 ne’ebé dadaun ne’e iha hela sala izolamentu nasionál.

Tuir kordenadór sentru intégradu Jestaun Krize Munisípiu Baucau Salesiano Pinto ba RCLM-Baucau iha salaun SIJK Munisípiu Baucau hateten ekipa vizilansia no epidemologia tun ona ba fatin tolu hanesan suku Caibada,Buruma no Buibau hodi halo swab no foti amostra ba sidadaun sira ne’ebe durante ne’e halo kontaktu ho pasiente sira ne’ebé konfirmadu positive ba covid-19 ne’ebé sidadaun swab no foti amostra hamutuk hat nolu resin ne’en

Nia afirma, halo swab no foti amostra ne’e atu lori ba laboratóriu hodi halo examinasaun, wainhira determina negative rejultadu negative hotu, maibé wainhira hatudu positive rejultadu positive hotu tamba ne’e, sidadaun hirak ne’e provizoriamente sei auto karantina iha idak dak nia uma, hodi hein rejultadu teste nian, enkuantu tuir investigasaun hosi vizilansia no epidemilogia sidadaun hirak ne’e halo duni kontaku no hela besik pasiente sira ne’ebé konfirmadu pozitivu.

Ohin ekipa vizilansia no epidemilojia iha sentru jestaun krize tun terenu atu foti swab ba segundu besis ba pasiente ne’ebe kontaktu besik tamba ne’e mak ekipa tu’un ba fatin tolu rekoila ba iha kaibada,buruma no kailara total amostra no swab hamutuk korenta I seis, foti ida ne’e atu laboratorium halo examinasaun,sei halo ezaminasaun mak determina pozitivu ka negative sei hatudu negative signifika katak hotu hotu negativu,laboratoriu anunsia pozitivu entaun ita tenke buka tuir kontaktu besik ne’eba loron rua liu ba tamba ne’e mak ekipa vizilansia no epidemologia tun, sira auto karantina iha uma, bazea ba investigasaun ne’ebe mak iha, mak ekipa sira halo swab tamba sira halo kontaku besik” Dehan kordenador Sentru Integradu Jestaun Krize Munisipiu Baucau salesiano Pinto ba RCLM-Baucau (24/03) iha salaun SIJK Munisipiu Baucau.

Nia hatutan dadaun ne’e ekipa vizilansia sei kontinua foti amostra iha area kailara aldeia bui-lai suku buibau tamba sidadaun pozitivu ida covid-19 hosi lamegua hela besik sidadaun hirak ne’e
Nia esplika sidauk iha transmisaun lokal tamba sei halo determinsaun maibé wainhira la iha sei buka tuir deit area sira ne’ebé risku ba covid-19.

Kazu iha ikus ne’e ne’ebe kontaktu ikus hosi lamegua ,ohin ekipa sira ba terenu maibe seidauk lori hotu tamba vizilansia foti orariu tamba ne’emak seidauk foti hotu , ho razaun ida ne’e mak ita sei esforsu nafatin para apoiu servisu hodi kombate covid-19 ida ne’e.kona-ba transmisaun lokal idane’e mak foin ita bele hatene, tamba ita foin foti segundu besis, ida ne’e mak halo determina, kuandu iha ona depois ita sei hare sei la iha ita sei buka tuir area ne’ebe risku tamba ita foti swab seidauk hotu” Dehan Sales

Sidadaun hirak ne’ebé halo ona swab no foti ona amostra sei kontinua halo auto karantina iha uma to’o rejultadu teste fó sai hafoin halo movimentu.

Jornalista :Agus Guterres no Abrão Pinto

Editór : Agus Guterres

Comment