by

Serve IP Baucau Hapara Provizoriu Funsionáriu Nain Hitu


Serve IP Sukursal de Baucau provizoriamente funsionáriu hamutuk nain hitu kompostu husi mane nain hat no feto nain tolu labele halao servisu lai iha Serve IP Sukursal de Baucau tamba koordenador Servi IP Baucau halo kontaktu direita ho nia família konfirmadu pozitivu covid-19.


Kordenador Serve IP Munisípiu Baucau Raul Sanches Lajes hateten ,razaun nia hapara provizoriamente funsionáriu sira ne’e tamba ekipa vijilansia epidemilogia foti amostra no detekta nia família ida konfirmadu pozitivu covid-19.

Nia afirma, hahu husi loron sanolu resin lima to’o agora funsionáriu hamutuk nain hitu privizoriu izola aan iha uma to’o implementasaun serka sanitária no konfinamentu obrigatoriu remata inklui hein rejultadu teste swab ne’ebè ekipa vizilansia epidemologia hasai ona ,tuir nia kona ba atendementu nia rasik mak loro-loron oras rua nia laran atende kliente sira liu husi via email.

   “razaun hau hapara tamba relasiona ho hau nia bin ne’ebé mak pozitivu iha loron sanolu resin lima domingu kalansira mai foti nia entaun ho ida ne’e otomatikamente hau kontaktu direta tamba hau mos faz parte ba familia ida ne’e entaun se hau orbiga sira para tama serbisu otomatikamente kontamina ona ho sira seluk entaun ho razaun ida ne’e mak hau husu ba  sira nain hitu inklui ita nia dotor notariadu para atu deskansa durante sekra sanitariu ne’e i hau mesak mak halo serbisu tuir nesesidade  ne’ebe mak husi ami nia office nasional husu no mos husi ita nia autoridade munisipal baucau ne’ebe mak agora husu  ba hau para atu bele finaliza relatoriu  feto ne’ebe involbe direta  iha vida negosiu ou emprejarial ninian”.dehan Raul ba Jornalista RCLM Quarta-feira(24/03).

Nia hatutan,iha tempu implementasaun serka sanitária no konfinamentu obirgatoriu ba emprejariu sira ne’ebé mak nia lisensa mate ,serve IP kontinua konsidera validu no kompañia sira ne’ebé mak tuir tenderijasaun perante serka sanitaria ServeIP pronto ajuda komunika ba aprovizionamentu hodi partisipa.

    “se nu kazu mak sira tuir tenderizasaun durante iha serka sanitaria ninian ami pronto para atu ajuda sira para komunika ho parte aprovizionamentu nian para sira bele  partisipa iha tenderizasaun sira ne’e”.

Raul esplika,dadaun ne’e Serve IP iha hela faze pre verifikasaun nia laran tamba ne’e husu ba emprejariu sira bele haruka dokumentus liu husi via email ne’ebé mak fo sai ona iha Jornal,Radio no Telivizaun katak print hotu-hotu manda liu husi email para Serve IP bele atende.

    “agora dadaun ami iha tiha ona email ida ne’ebé ita hatete  dehan katak pre verifikasaun entaun ita nia emprejariu sira bele haruka sira nia dokumentus sira ne’e  liu husi via email ne’ebé mak ami fo sai ona iha jornal,tvtl katak  durante iha serka sanitária ninia ne’e  kliente hotu-hotu bele  manda liu husi email para ami bele atende,tamba ida ne’e  mak  durante ne’e hau mak tama ba  sempre sek imail ne’e para atu bele responde kedas nesesidades emprezariu sira nian”.

Kordenador Serve IP baucau apela ba emprejariu sira ne’ebé hela iha postu suku no aldeia karik prezia bele kontaktu direta hodi hetan esplikasaun kelan husi Serve IP.

Jornalista : Abrão Freitas
Editór : Feliciano Venancio Belo

Comment