by

SIJK Deside Eis SPK Baucau sai Izolamentu ba Pasiente Pozitivu Covid-19 iha Munisipiu Baucau

Sentru Integradu jestaun krije (SIJK) Munisípiu Baucau segunda-feira ne’e, Deside Eis SPK sai fatin izolamentu iha Munisipiu Baucau hodi tau pasiente sira ne’ebé Konfirmadu Pozitivu Covid-19 tamba dadaun ne’e numeru kazu pozitivu sae ba sanolu resin sia.

Lia hirak ne’e hato’o hosi Salesiano Pinto hafoin realiza enkontru ho Prezidente Autoridade Munisípiu Baucau no ekipa hotu hodi identifika fatin izolamentu

Nia esplika objektivu husi enkontru ne’e, relasiona kazu pozitivu ne’ebé mak aumenta sae ba ema nain sanolu resin sia tamba ne’e husi Autóridade Munisípiu no orientasaun husi Ministériu Saúde husu eis SPK Tirilolo Baucau sai fatin Izolamento hodi tau pasiente sira wainhira identifika kazu Covid-19 Iha Munisipiu Baucau.

Sales afirma,parte saúde provizoriu sei prepara kuartu hamutuk hitu no kama sanolu iha eis SPK Baucau Tirilolo hodi sai fatin Izolamentu tamba tuir informasaun husi nasionál fatin izolamentu hahu nakonu ona.

“objektivu husi enkontru ohin ninian tamba ita hare’e ba ita nia kazu iha sabadu liu ba rejista tan ema nain sanolu resin ida no total hamutuk sanolu resin sia ona tan ne’e mak husi Autóridade no orientasaun husi Ministériu Saúde tan ne’e mak horseik ami identifika fatin eis Óspital tirilolo maske fatin ne’eba renova iha tinan kotuk liu ba maibe seidauk hotu tan ne’e mak ami husu eis óspital adisional karik orsida aban kazu aumenta karik fatin ne’eba mak sai fatin izolamentu tan ne’e mak autóridade sira ohin iha ne’e tuir obervasaun ba fatin ne’eba,no rezultadu ekontru ohin pozitivu tebes,proposta ne’ebé mak ami hato’o prezidente autóridade sei enkamina ba iha ministériu estatal no ministériu saúde ida ne’e mak ohin ami ko’alia,karik orsida ka aban kazu pozitivu ruma mosu sei halo izolamentu iha eis áspital tuan hodi simu konsulta tuir kondisaun ne’ebé mak provizoriu iha, se karik kazu mosu ita prepara iha ne’eba kuartu hitu iha kuartu ida ita ita bele tau kama rua ou tolu no ita prepara kama sanolu to’o rua nolu iha neba, ohin mos direktor saude munisipiu ko’alia sei prepara mos kulisaun”dehab Salesiano ba jornalista RCLM Segunda-feira (22/03)Loraik wainhira remata enkontru ho Prezidente Autoridade munsipiu iha SIJK.

Nia hatutan servisu Munisipál saude mos mobiliza ona médiku sira tuir pilar ida to’o sia hodi fó asistensia ba pasiente sira wainhira halo izolamentu iha eis SPK Tirilolo ne’ebé identifika ona.

“Rekursu humansu mos ohin diretur ko’alia komesa mobilize ona 1-5% ita sei kapasita mais kuandu 10% ona ida ne’e mak sai difikuldade iha ne’eba,tan ne’e ami nia vizilansia pedemolojia tenke sebisu maks hanesan ohin aprezentasaun situasaun aktuál semana ida ne’e nia vijilansia tenke serbisu makas para sira nain sanolu resin sia liu ne’ebe pozitivu covi-19 ekipa sira tenke buka tuir sira ne’ebé kontaktu besik hosi hasai sira nia swab hodi ba teste” Tenik Salesiano

Nia dehan tan, dadaun ne’e pasiente ida husi buruma nia kondisaun rekopera ona no fila ona mai baucau,enkuantu ekipa sentru integradu jestaun krije baucau kontinua buka tuir familia no profisionál saude ne’ebe kontaktu besik pasiente na’in sanolu resin sia ne’ebe mak pozitivu Covid-19.

“ita agradese tamba ita nia pasiente ida husi buruma rekopera ona ne’ebé horseik fila ona tan ne’e mak ita hare progresu,i ohin mos hasai sampel kotaktu besik kazu pozitivu segundu estudante agora dadaun iha neba no horseik mos halo Swab ba ita nia profisionál saúde ne’ebé kontaktu besik no ita ida ne’e ita nia laboratorium Óspital rezional eduardu ximens baucau hala’o hela ezaminasaun”Dehan Salesiano

Entertantu partisipante ne’ebe mak partisipa iha enkontru ne’e mak hanesan prezidente autoridade munisipiu baucau,Prezidente konselu veteranus,Tenete Koronel komponente tereste lanud baucau Komandu PNTL, Pe.Paroquia Santo Antonio dioseze baucau, inklui pesoal saude husi ekipa Sentru integradu Jestaun krije.

Jornalista : Abrão Freitas no Agus Guterres

Editór : Agus Guterres

Comment