by

Kazu Konfirmadu Covid-19 Aumenta ba Sanolu Resin Sia iha Munisipiu Baucau


Kazu konfimadu Covid-19 dadaun ne’e aumenta ba sanolu resin sia iha Munisípiu Baucau tamba domingu horseik Abulansia Nasional evakua tan ema nain sanolu resin ida iha area Kailara Aldeia Buile suku Buibau Postu Adminitrativu Baucau Vila Munisípiu Baucau.

Tuir kordenador Jeral Sentru integradu jestaun krize salesiano Pinto ba RCLM-Baucau segunda feira ne’e hateten sidadaun hirak ne’e hela iha kailara aldeia buile’e suku buibau ne’ebe halo kontaktu direta ho sidadaun ida iha uailia ne’ebe konfirmadu afetadu ba covid-19 ne’ebe ekipa SIJK anuansia iha loron sanolu resin sia.

Nia afirma tuir investigasaun vizilansia no epidemilogia, sidadaun refere mai hosi dili iha loron lima no hela iha area kailara semana ida balun no kontinua nia viagen ba uailia- lamegua hafoin ekipa vizilansia no epidemilogia detekta hodi hasai amostra ikus mai liu hosi examinasaun konfirmadu positive covid-19.

“Sira ne’e hela iha kailara maibe ninia suku mak buibau I aldeia buile’e, kontaktu besik pasiente ne’ebe anunsio ona liu ba iha sentru integradu jestaun krize nasional hosi uailia, tuir investigasaun hosi vizilansia ninian mana ne’e mai hosi dili depois hela ne’ebadepois mai fila fali uailia lamegua mak ekipa vizilansia epidemologia tun ba rekolla”. Dehan kordenador Jeral Sentru integradu jestaun krize salesiano Pinto ba RCLM-Baucau segunda feira (22/03) iha sala Integradu Jestaun Krize Munisipiu Baucau.

Nia hatutan sidadaun sanolu resin ida konfirmadu Pozitivu Covid-19 domingu horseik ekipa abulansia nasional evakua kedas sidadaun hirak ne’e ba sala izolamentu nasional.

“Sim horseik hosi abulansia nasional to’o iha baucau evakua kedas onze pesoas detekta positive iha munisipiu baucau, baucau rejistu hamutuk horseik ninian sanolu resin sia”. Sales hatutan.

Dadaun ne’e ekipa sentru intégradu jestaun Krize kontinua buka tuir familia sira ne’ebe kontaktu besik ho sidadaun konfirmadu sanolu resin ida hodi foti amostra.

Jornalista :Agus Guterres no Abrão Freitas

Editór : Agus Guterres

Comment