by

Governu implementa serka sanitaria Pasiente Menus Iha Sala Emergencia HóREX Baucau


Xefi unidade Sala Emergencia Óspeital Regional Eduardu Ximenes Baucau David Dos Santos Soares hateten relasiona ho surtu covid-19 ne’ebé tama iha Timor-Leste governu deside implementa serka sanitaria no konfinamentu obrigatoriu iha Munisípiu Baucau pasiente komesa menus iha Sala Emergensia HóREX Baucau tamba dala ruma impaktu husi movimentu transporte la lao .

David afirma pasiente komesa menus hahu implementa serka sanitaria no konfinamentu obrigatoriu iha loron sanolu resin Lima fulan março to’o agora pasiente ne’ebé mak tama iha sala emergencia kuaze nain sanolu mai karaik, kompara ho antes kada loron pasiente tama iha sala emergensia kuaze nain rua nolu ba leten.

     “ Depois de aplikasaun serka sanitaria, iha emergensia kada loron ami simu deit moras nain sia ou kinze (15) mai kraik, kompara bainhira seidauk aplika serka sanitaria, dalaruma loron ida ami simu moras to’o trinta ou vinte ba leten, pasiente sira agora baixa komforme ba paseinte sira mai, antes ne’e iha rujukan mai hare ba kazu ida ne’ebé todan ona mak rujukan mai doutor sira halo atendementu halo konsulta iha intervista espesialista sira hodi ba baixa langsung iha sala, ida konsulta rawat jalan sira ne’e menus ona, dalaruma impaktu husi serka sanitaria”.Dehan David Dos Santos  Soares Ba jornalista RCLM- Baucau Sesta-Feira (19/03/2021).

Nia hatutan iha estadu emergensia ne’e, sala emergencia mos rejista ema moras grave ne’ebé mai husi munisípiu Lautem, Viqueque inklui mos Baucau rasik hafoin doutor espesialista halo atendimentu hodi transferensia ba sala baixa nian .

  “ kazu grave tama, mai husi Viqueque no lospalos,  tamba ita hatene katak hospitál ne’e regional tamba ne’e bainhira kazu grave ruma sira sempre rujukan mai iha ne’e”.

Tuir observasaun jornalista iha tereinu nota katak sesta feira semana ne’e la iha pasiente ida mak toba iha sala emergensia HóREX Baucau no pasiente sira ne’ebé Mai konsulta hanesan bai-bain mos menus tebes.

jornalista : Feliciano Venancio Belo

Editór : Abrão Freitas

Comment