by

SIJK Munisípiu Baucau Hetan Apoiu Ai-han hosi Konsellu Veteranu


Kordenador Sentru Sala integradu Jestaun Krize Munisípiu Baucau Salesiano Pinto ba Jornalista RCLM-Baucau kinta feira ne’e hateten horseik kuarta feira lokraik konsellu veteranu Munisípiu Baucau fó apoiu ai-han hanesan pop mie dos hat, aqua dos ne’en inklui hand sanitizer ba sentru sala integradu jestaun krize hodi fasilita servisu lojístika liu-liu ba ekipa vizilánsia no epidemolojia.

Nia afirma ai- han hirak ne’e parte Konsellu veteranu munisípiu baucau apoiu ne’e atu ekipa sentru sala integradu jestaun krize hodi ajuda servisu ekipa vizilánsia no epidemoligia nian iha baze oinsa halo atendementu ba komunidade sira wainhira hetan kazu positivu Covid -19.

“Sim horseik husi ita nia na’in veteranu sira husi munisipiu baucau ne’ebe ajuda sasan ne’ebe oferese akua hamutuk dos neen no pop mie kaiza haat no alkool balun ne’ebe entrega husi ita nia veteranu sira hodi fasilita lojistika ba epimemolojia no sala situasaun hodi akomoda oinsa atu bele fasilita servisu vizilansia no mos sala situasaun munsipiu baucau” Dehan Kordenador Sentru Sala integradu Jestaun Krize Munisípiu Baucau Salesiano Pinto ba Jornalista RCLM-Baucau kinta feira,(18/03/21).

Hosi sorin seluk Sekretáriu Konsellu Veteranu Munisípiu Baucau Manuel da Costa soares (Alari) hateten objetivu hosi apoiu ai-han hirak ne’e atu reforsa liu tan ekipa sentru integradu jestaun krize hodi auguenta sira hala’o servisu iha terrenu.

“Ami atu fo apoiu bee no pop mie ba ekipa servisu ne’e para bele reforsa sira hodi halao servisu ho diak tamba akontesimentu iha kaibada ne’e sira ekipa saude sira hamlaha mate hodi sira hotu fila fali deit tamba la iha buat ida ke apoiu tamba ne’e mak konsellu veteranu foti dezisaun horseik fo apoiu netik bee no pop mie ba ekipa atu reforsa deit depois ami hein katak depois konsellu veteranu ne’e tempu seluk sei apoiu” Dehan Sekretáriu Konsellu Veteranu Munisípiu Baucau Manuel da Costa soares “Alari”.

Konsellu Veteranu Munisípiu Baucau kontinua prontu fó apoiu nafatin ba Sentru Sala integradu Jestaun Krize Munisípiu Baucau wainhira nímeru kazu kontinua aumenta iha munisípiu.

Jornalista : Agus Guterres no Abrão Freitas

Editór : Agus Guterres

Comment