by

Stok Fos iha loja balun Munisipiu Baucau hahu mamuk

Relasion ho serka sanitaria no konfinamentu obrigatoriu ne’ebé deklara husi Konselu Ministru iha loron sia fulan marsu tinan rihun rua rua nolu resin ida to’o agora halo loja balun iha munisípiu baucau hanesan Misterius,Gemea stok fos hahu mamuk sai preokupasaun ba komunidade sira atu hola fos hodi sustenta ba nesesidade loro-loron.

Kestaun ne’e hato’o husi Loja nain Misterius Severina Amaral ba RCLM baucau tersa fera ne’e hateten stok fos iha armajen misterius ne’e mamuk tamba durante serka sanitaria no konfinamentu iha dili to’o agora sira la bele asesu atu hola fos iha dili tamba tenke halo karta lisensa husi sentru Intergaradu jestaun Krije Dili hafoin bele asesu.

Nia afirma loja nain halo ona karta lisensa maibé kontinua la asesu hodi fos iha Nasional mai baucau tamba karta ne’ebe sira halo sempre sala.

Agora dadaun ami nia fos iha stok hela lima nolu saka deit tamba ami atu ba dili dala rua ona maybe sira duni fila ami tenke dehan urus surat ami mos urus nafatin maibe sala hela deit acelda mak tula hela deit tamba sira urus halo nusa ami mos la dun hatene no sira mak ba tula hela fos no sira nia fos mak sei barak ,ami ba iha loron Ualu fulan ne’e maibe iha hera duni fila deit ami no hau nia oan iha dili halo nafatin surat maibe dehan sala hela deit”Hateten Severina ba jornalista RCLM tersa-fera(16/03) iha loja Msterius.

Severina hatutan dadaun ne’e stok fos rua nolu resin lima kilo grama hela deit lima nolu saka posibilidade sei hotu iha loron rua ka tolu bele fo amesa hamlaha ba komunidade munisípiu baucau tamba dadaun ne’e munisípiu baucau mos implementa ona serka sanitaria no konfinamentu obrigatoriu hodi komunidade sai husi uma.

“ami agora stok lima nolu deit la augenta ona to’o loron rua nolu resin sia fulan abril tamba agora dadaun ne’e komunidade sira ida rua mai nafatin hola fos,nia folin nafatin hanesan ulun fos rua nolu resin lima kilograma dolar amerikanu sanolu resin hat”

Iha sorin seluk loja nain Gemea Bernardino Domingos Guteres mos infrenta situasaun hanesan ne’ebé tenta halo karta lisensa dala tolu iha sentru intergradu jestaun krije Dili maybe faila hodi difikulta sira hodi la bele asesu fos husi Nasionál .

“Fos iha hau nia loja mamuk hau ba dili to’o iha metinaru haruka fila tamba deit dehan presiza surat husi jestaun krije nasional atotirza mak bele deha liu ne’ebe ami ba dala tolu la liu tamba ne’e mak fos iha armajem mamuk,horseik sira husi Lautem viqueque oituan sira hein iha berbatasan tula hotu ne’ebe la iha ona iha ami nia loja” Dehan Bernardino

Entertantu husi kompañia Acelda Eginio da Costa Freitas hateten stok fos iha iha sei sufisiente hodi augenta durante semana rua hahu sanolu resin ne’en to’o rua nolu resin sia tamba durante ne’e kompania acelda asesu dala rua ba dili hodi sosa fos tuir kriteria ne’ebé governu deside,enkuantu folin fos iha akomapñia acelda no loja seluk sei manten ho folin saka kilo grama rua nolu resin lima dolar sanolu resin hat.

“hau hanoin to’o loron rua nolu resin sia fulan marsu fos sei to’o hela hodi fan ba komunidade sira loja seluk mak ita la bele fan tamba ita hare’e to’o iha rua nolu resin rua ka lae ita tenke fan ba komunidade sira ne’ebe mak mai hola saku ida saku rua ne’e la bele fan hotu ba loja sira orsida komunidade sira araska fali ba hahan,ba surtan labarik sira iha dili mak trata ne’ebe hetan lisensa duni soke agora ita baucau agora tama tan ona serka sanitaria ne’ebé ita seidauk hatene los suar lisenta ne’ebe labarik sira halo iha CCD dili”dehan Eginio.

Alende stok fos ne’ebé menus maibe sasan seluk hanesan susuben,supermi,trigu, mina, no seluk tan nafatin manten ho folin ne’ebé iha,enkuantu loja nain sira ezije ba governu atu loke dalan ba emprejaria sira ne’ebé fa’an sasan atu bele asesu hodi hola sasan.

Jornalista :Agus Guterres no Abrão Freitas

Editór : Agus Guterres

Comment