by

SIJK Munisípiu Baucau Rekoila ona Amostra 95 hodi halo Teste iha Laboratorium HoREX


Kordenador Jeral Sentru Intergradu jestaun Krije Munisípiu Baucau Salesiano Pinto Fernandes hateten, relasiona ho anunsia husi Sentru Integradu Jestaun Krije(SIJK) Dili iha domingu loron sanolu resin hat fulan Marsu, iha ne’ebé rejista tan sidaun nain tolu pozitivu covid- 19 iha Munisípiu Baucau, mak Sentru Integradu Jestaun Krije Munisípiu Baucau ekipa pilar ida, orienta kedas ekipa pilar rua no pilar tolu, tun iha baze hodi buka tuir kontatresin iha fatin tolu, hanesan Caibada Makasae,Buruma ,Buibau, Belabista, to’o horseik rekoila ona amostra sidadaun sira nian hamutuk sia nolu resin lima, no dadaun ne’e iha prosesu ezaminasaun iha laboratorium Hospital Rejional Eduardu Ximens Baucau.


Nia afirma, ho ekipamentus laboratorium ne’ebé foin lalais mak instala seidauk halo ezaminasaun hotu ba amostra sia nolu resin lima, no dadaun ne’e kontinua halo ezaminasaun to’o remata, nia rezultadu sei enkamina ba laboratorium Nasionál, hafoin bele anunusia iha sentru intergradu jestaun krije Nasional.


“husi amostra ne’ebe rekoila desde iha domingu kalan, depois anunsia husi SIJK Dili ne’ebe anunsia katak, iha Baucau afetadu ba covid-19 nain ne’en, maibe iha Domingu anunsia nain tolu. Tan ne’e mak iha kalan kedas husi pilar um, orienta kedas pilar tres no dois to’o iha baze hodi buka tuir kontatresin iha fatin tolu, to’o horseik rekoila amostra hamutuk 95 agora dadaun halo hela ezaminasaun iha HoRex Baucau, e ninia rezultadu tamba seidauk orienta husi sala situasaun sentru integradu Nasional, la bele anunsia iha ne’e tenke enkamina ba laboratorium Nasional nune’e laboratorium Nasional entrega ba SIJK Dili mak foin bele anunsia nia rezultadu.”dehan Salesiano ba Jornalista sira kuarta-fera(17/03) iha Sala Intergradu Jestaun Krije Munisípiu Baucau.


Salesiano hatutan, wainhira prosesu ezamisaun iha laboratorium remata, sei liu husi data inter online ba iha Nasionál, atu nune’e ekipa husi sentru intergradu jestaun krije Nasionál anunsiu rezultadu mak pozitivu, bele orienta lalais Sentru integradu jestaun krije Munisipiu Baucau orienta ekipa pilar tolu, tun iha area ne’ebé mak afetadu ba pozitivu covid-19 hodi buka tuir ema ne’ebé mak kontatresin.


“ida ne’e mak instala ita seidauk intera didiak. Maibe orientasaun husi laboratorium Nasional presiza tenke data inter online ba iha Nasional, para sira atende diretamente se iha ona larma pozitivu karik, sira fo anunsia kedas para husi SIJK Munisipiu Baucau orienta pilar relevante tun direta area afetadu, atu buka tuir ema ne’ebe kontatresin ho pasiente pozitivu covid-19 ne’e”


Tuir kordenador SIJK Munisípiu Baucau, Dadaun ne’e Munisípiu Baucau seidauk iha kondisaun ba sala izolamentu no karantina. Tamba ne’e wainhira sidadaun ruma mak pozitivu ba covid-19 tan, sei lori ba Sala Izolamentu Nasional.

Jornalista : Abrao Freitas & Agus G.

Comment