by

Sala Situasaun Jestaun Krize Seidauk Define Teste Massal ba Komunidade Baucau.


Sala Situasaun Jestaun Krize Baucau to’o ohin loron,seidauk define teste massal ba komunidade Baucau,ho razaun katak dadaun ne’e iha Munisípiu Baucau , iha risku afeitadu ba fatin tolu ne’ebé identifikadu.
Lia hirak ne’e hato’o husi Koordenador Jeral Sentru Integradu Jestaun Krize Munisípiu Baucau Salesiano Pinto, ba Jornalista Radio Comunidade Lian Matebean Baucau Kuarta Feira Semana ne’e , iha Sala Situasaun Jestaun Krize Munisípiu Baucau Informa,ho sidadaun sira ne’ebé mai husi area afeitadu ,ne’ebé dadaun ne’e hela iha fatin afeitadu sira,maka ekipa vizilánsia nafatin buka tuir kontaktu Trezing husi Domingu to’o ohin loron, tamba presiza hein orientasaun husi Nasionál .
“ Tuir orientasaun husi sala jestaun krize to’o ohin loron , sedauk define lolos bainhira mak atu halo teste massal, maibe husi sentru intergradu jestaun krize munisipio Baucau, iha mos afeitado iha area tolu nomos sidadaun nebe mai husi area afeitado iha Dili, tan ne’e maka ekipa vizilansia desde Dominggo buka tuir kontaktu Trezing. Dominggo kalan nomos segunda loron tomak, nomos horseik tan, nomos ohin tan.Sira ba buka tuir ema ne’ebé deskonfia mai husi Dili nomos ema ne’ebé besik kontaktu ba positivo ne’ebé ita hetan iha munisipio de Baucau.”Dehan Kordenador Jeral Sala Integradu Jestaun Krize Munisipiu Baucau Salesiano Pinto, ba Jornalista Radio Comunidade Lian Matebean Baucau Kuarta Feira,(17/03/21).
Hatan kona-ba dadus sira husi teste ne’ebé halo,inklui mos ho area sira ne’ebé dadaun ne’e sai hanesan area afeitadu, nune’e bele halo teste massal, Salesiano akresenta to’o agora nia rejultadu seidauk bele anúnsia ofisialmente,tamba hafoin de instala laboratorium PCR, sei fó mós treinamentu ba pessoal saúde sira, liu–liu ba tékniku laboratorium nian.
Enkuantu area hirak ne’ebé sai hanesan area afeitadu , hodi hasai teste maka hanesan , Buruma, Kaibada Makasae,inklui iha Buibau parte Belavista nian.
“ To’o ohin loron ninia rejultado ita sedauk anunsia ofisialmente tamba,husi laboratorium ita nia PCR desde iha Dominggo ita instala iha ne’e,fo treinamento ona ita nia pesoal saude, tanto saude munisipio nomos hospital liu – liu ba tekniku laboratorium.Sira loron rua tomak halo ezaminasaun iha Dili,hamutuk ho ekipa laboratorium Nasional.Agora dadaun halo ezamina hela e wainhira kuando iha ona rejultado sei enkaminha ba Laboratorium Nasional no sei enkaminha rejultado ba Jestaun Krize maka foin anunsia.Sentru Integradu Jestaun Krize Munisipio Baucau,mantein halibur iha sala apuramento hodi nune’e wainhira iha informasaun sidadaun ne’ebé mai area afeitado nomos buka tuir nafatin ema ne’ebé deskonfia iha area afeitado ita sei buka tuir . Area nebe afeitado maka iha area Buruma nomos iha area Kaibada Makasae, nomos iha Buibau iha Velavista . Tan nee maka kalan kedas ekipa vizilansia tun iha ekipa tolu,hodi identifika investigasaun , e sidasaun ne’ebé positivo no kalan ne’e kedas ita foti suab massal, no suab tantu Vizinho nomos ba kontaktu trezing ou buka tuir ida ne’e maka ita foti.Maibe atu suab massal sedauk iha orientasaun husi Nasional.” Salesiano Pinto Haktuir.
Relasioan ho rejultado encontru ne’ebé fó sai iha loron Ualu Fulan Marsu liu ba, ne’ebé hateten katak teste massal sei hala’o iha Munisípiu Baucau tomak, Koordenador Jeral Sentru Integradu Jestaun Krize Munisípiu Baucau afirma ,sei hein informasaun kontinuasaun husi sala situasaun Sentru Integradu Jestaun Krize Dili, hafoin bele implementa Iha Munisípiu Baucau.
Jornalista : Nazario Bento
Editor : Calistro Pereira

Comment