by

PNTL Baucau Preparadu fó Seguransa ba Ekipa Vizilansia no Mitigasaun iha Terenu.


Polisia Nasional Timor-Leste Munisipiu Baucau preparadu ona hodi faselita no fo seguransa ba ekipa vizilansia no mitigasaun sira wainhira tun ba terenu hodi hala’o servisu ligadu ho covid-19 ne’ebé dadaun ne’e afeta ona munisípiu Baucau.

Lia hirak ne’e hato’o hosi komadante PNTL Munisipiu Baucau Supereitendente Xefe Armando Monteiro ba RCLM- Baucau Kuarta Feira ne’e iha nia kna’ar fatin.

Komadante ne’e esplika PNTL Munisipiu Baucau sei apoiu total ba ekipa vizilansia no mitigasaun hosi pilar ida to’o pilar sia wainhira tun terenu mosu akontesementu ruma hanesan reijeita no asaun-reasaun hasoru Pesoal saude sira PNTL pronto atu halo seguransa no faselita nune’e servisu ekipa hirak ne’e lao ho diak.

“PNTL Munisípiu baucau mos asume knar importante oinsa mak atu implementa estadu emerjensia ba dala sanolu resin ida liu-liu ba serka sanitaria ida ne’e,maibé parte ida mós apoiu ekipa vizilansia ne’ebé horseik ita prepara ekipa ida hodi nune’e bele apoiu ba ekipa vijilansia husi pilar ida to’o piliar sia bainhira tun terenu karik akontese rezeita ruma husi ita nia komunidade tantu mos asaun reasaun ba ita nia profisionál saúde sira karik ekipa ida ne’e preparadu atu faselita no fo seguransa ba ita nia ekipa vijilansia no mitigasaun sira ne’e hodi nune’e sira hala’o kanar ho diak”hatete Armando ba Jornalista RCLM Quart-fera(17/03) iha nia kna’ar fatin edifisiu komando PNTL Munisipiu Baucau

Nia hatutan alende fó seguransa ba ekipa vizilansia no mitigasaun PNTL Munisípiu Baucau mós prepara ona ekipa hodi servisu hamutuk ho Servisu Komando Konjunta operasaun kordenada SkKOK sei implementa serka sanitariu iha area baucau laran tomak hodi sensebliza no aviza informasaun inklui fatin sira ne’ebé halibur ema barak nune’e la bele viola regras ne’ebé estabelese ona hosi Ministériu Saúde no Organizasaun Mundial Saúde.

“komandu PNTL munisipiu baucau mos prepara ekipa hat ida ne’ebé mak sei serbisu hamutuk ho ita nia SKKOK(Servisu Komando Konjunta operasaun Kordenada ) ne’ebé hari’i iha tinan ida liu ba kedas sei implementa mos serka sanitáriu ida ne’e halo patroliamentu iha area baucau laran tomak,ekipa ida ne’e mos sei sensibiliza ba ita nia komunidade iha fatin ne’ebe mak halibur ema barak no aktividade ne’ebe presiza tau importansia hodi nune’e la bele halo kontaminasaun no viola regra regas ne’ebe governu fo sai”Dehan Komando

Komadante ne’e subllina dadaun ne’e PNTL Munisípiu Baucau liu hosi komando eskuadra PNTL postu sira hanesan Laga, Venilale no Vemase ne’ebé dadaun ne’e halo ona vizilansia ba fronteira entre Munisipiu Baucau ho Viqueque, Lautem no Manatutu hodi reforsa liu tan serka sanitária.

“ita mós halo vijilansia maximu ba baliza entre munisípiu baucau nian hanesan Lautem,Laga parte Baguia,Uatucarbau,Uatulari ninian venilale no osu ninian tantu Vemase area Manatutu Leleia,antes implementa serka sanitária komandu hasai ona diretiva ba komanda eskuadra sira implementa ona hodi halo kontrolu ba baliza area juridiku ita nia munisípiu nian”Dehan Komando

Alende ne’e komando PNTL Munisipiu Baucau mos servisu hamutuk ho sala integradu Jestaun Krize Munisipiu Baucau halo ona kordenasaun ho organizasaun internasionál no nasionál inklui igreja no veteranu sira hodi halo kompaña mitigasaun no prevensaun hodi minimiza movimentu komunidade sira nian.

Jornalista:Agus guteres/Abrão Freitas

Editór :Agus Guterres

Comment