by

Governu la liga proposta, Populasaun Uadaboru Voluntariamente Ho Inisiativa Loke Estrada Foun.


Relasiona proposta ne’ebé autoridade suco guruça postu Administrativo Quelicai Munisípiu Baucau ne’ebè hato’o ona ba governu liu-liu ba Institutu Gestaun Ekipamentus iha tinan 2018 maibe to’o agora la iha resposta ruma. tamba ne’e komunidade husi aldeia Uadaboru Voluntariamente ho inisiativa loke estrada alternarivo hodi bele responde imediata prekupasaun komunidade nia hodi asesu ba sentru saude no ba iha merkadoria.

Cefi aldeia Uadaboru suco Guruça josé Fonseca ba jornalista RCLM- Baucau Quarta feira Ne’e Hateten durante tinan 18 timor leste ukun an ona maibe komunidade Wadaboru kontinua halerik ba estrada tamba durante komunidade sira atu ba asesu merkaduria ga ba sentru saude obrigadu lao ain kuaze kilómetru lima resin hafoin too iha fatin refere.

Nia afirma populasaun hamutuk ho autoridade suco inklui veteranus foti inisiativa loke dalan alternativo ne’e tamba Uadaboru sai hanesan fatin potensial ba agrikultura,turizmu, kultura inklui sai hanesan fatin istoriku ba luta libertasaun nasional.

“ami aldeia wadaboru,saebere,sentru kuluguia iha foho leten inisiativa loke estarada foun tamba ami ami nia produtu lokal barak maibe komunidade sira susar atu lori ba merkadu i nune’e mos inan isin rua mos susar atu partus tamba la iha Estrada susar urjente lori ba óspitál hodi dotor parteira sira fo partus inan isin rua sira tamba ne’e ami autoridade lokal,veteranus,komunidade sira ho inisiativa loke estrada tamba sai hanesan fatin istoriku ba luta linertasaun nasional no fatin potensia turizmu,agrikultura no kultura ”dehan Jose ba jornalista RCLM Quarta -feira(16/03) liu husi Via telefone.

Nia hatutan autóridade lokál iha tinan rihun rua sanolu resin ualu hato’o ona prosposta ba iha prezidente Institutu gestaun Ekipamentus (IGE) maibé to’o agora la iha resposta ruma tamba ne’e sira husu nafatin ba Ministériu kompotente atu konsidera sira nia prosposta ne’ebe mak hato’o hodi bele loke estrada foun ba komunidade sira iha aldeia saebere uadaboru no centru kuluguia.

    “ami hataman ona prosposta ba iha prezidente IGE iha tinan 2018 maibe ate agora la iha ida mai halo sufei  no sira dehan tan hein orsamentu to’o agora orsamentu aprova ona la iha ida mai  halo estrada ida ne’e tamba ne’e ami husu ba governu  atu halo estrada ida ne’e ,uluk inan isin rua ida akontese labaraik  susar moris no susar deit iha inan nia kabun laran”

Estrada nebe komunidade sira ho voluntariamente loke privizoriamente ba transporte ba motor nia fatin seidauk ba kareta nian tamba dalan refere sae foho hodi komunidade nia forsa seidauk to’o. Entertantu populasaun ne’ebé mak hela iha Uadaboru hamutuk xefe da família kuaze besik atus hat resin.
Jornalista : Abrão Friitas
Editór : Venancio Belo

Comment