by

EIJKMB Sei Buka Tuir Familia Sira Ne’ebé Halo Kontaktu Suspeitu Covid-19 Mai husi Dili


Ekipa Integradu Jestaun Krize Munisípiu Baucau dadaun ne’e sei nafatin buka tuir familia sira ne’ebé mak halo kontaktu direita ho suspeitu Covid-19 hodi halo teste SWAB ba sira.

Lia hirak ne’e hato’o husi Xefe Sala Jestaun Krize Munisipiu Baucau Leonel Guterres ba Jornalista Radio Comunidade Lian Matebian Tersa Feira ne’e iha sala integradu jestaun krize Munisipiu Baucau

informa,ekipa nafatin buka sidadaun sira ne’ebé halo kontaktu besik ho ema ne’ebé pozitvu covid-19 tamba fó risku ba sira nia saúde.

Leonel Guterres afirma Ekipa Sala Integradu Jestaun Krize Munisipiu Baucau nafatin esforsu durante semana rua hodi buka familia sira ne’ebé viajem husi dili mai munisipiu wainhira governu dekreta serka sanitaria ba Munisipiu Dili iha loron sia fulan marsu tinan ne’e tamba dadus ne’ebé vizilansia epidemolojia hatudu familia sira ne’ebé mai husi Dili ne’e zona afeitadu Covid-19 .

“Buka atu hetan familia ne’ebe mak kontaktu besik ba ita nia sidadun sira ita nia familia sira ne’ebe hetan pozitviu ba covid ne’e primeiru se karik familia balun momentu ita ba foti sampel no investidgasaun ne’e mak la iha karik buka tenki hetan tamba ne’e risku segunde durante seman rua tenki buka hetan no hatene ita nia familia sira ne’ebe wainhira governu dekreta serka sanitaria ba munisipiu dili iha dia nove kalan iha madrugada uma hora duas horas to’o mai rai naroman ne’e sira halai sai husi dili ita tenki hatene sira nia paradeiru I tenki foti hotu sira nia sampel tamba dadus ne’ebe vizilansia hatudu ita nia familia sira ne’ebe mai husi munisipiu dili ne’e mai hsu zona zona afeitadu entaun duke moras ne’e hadaet no ita la biban taun durante semana rua ne’e serka sanitaria ne’e la’o polisia ho F-FDTL halao nia kna’ar halo lutu ba baucau,ekipa saude ninia kna’ar durante semana rua ne’e buka tuir familia sira iha ne’ebe” Dehan Xefe Sala Jestaun Krize Munisipiu Baucau Leonel Guterres ba Jornalista Radio Comunidade Lian Matebian, (Tersa-Feira,16/03/212).

Nia hatutan totál sampel ne’ebé mai husi sentru saúde no postu saúde iha Munusipiu Baucau ekipa sala jestaun krize munisipiu haruka ba Sala Sentru Integradu Jestaun Krize Dili hamutuk atus lima resin,enkuantu sampel hirake ne’e balun husi familia sira ne’ebé viajem husi Dili hodi kopera di’ak ho ekipa sala jestaun krize Munisípiu Baucau hodi hasai sampel.

“To’o horseik ami seidauk hatama dadus maibe to’o hori bainrua ita atinje liu tiha ona quinentus ital sampel ne’ebe ita haruka ona ba nasional ba munisipiu baucau nian tomak husi postu administrativu husi postu laga mak provizoria seidauk mais sentru hotu-hotu sira submete sira nia sampel ne’e mai loro-loron hodi lori ba nasional,sampel sira ne’e mai husi ne’ebe ida mak familia sira mai husi dili sira hetan I depois sira kopera diak entaun lori kedas sampel mai entrega oras ne’e dadaun iha hela prosesu lee” Nia sublina

Xefe Sala Jestaun Krize Munisípiu Baucau ne’e akresenta nafatin husu ba komunidade sira hodi nafatin kumpri regras sira ne’ebé mak Ministériu Saúde no Organizasaun Saúde Mundiál fó sai.

Jornalista : Agus Guterres & Abrão Freitas

Editór : Agua Guterres

Comment