by

Ministeriu Saúde Instala ona Laboratorium teste swab ba Covid 19 iha HoREX Baucau.

Ministeriu Saúde Instala ona Laboratorium teste swab ba Covid 19 iha HoREX Baucau.
Ministeriu Saúde liu husi Laboratorium Nasional halo ona instalasaun ba makina Polimerabe Chain Reaction iha óspital Regional Eduardo Xiemenes Baucau atu halo teste ba amostra ga swab ba suspeitu covid 19.

Diretur klinika HoREX Baucau Salesiano Pinto ba Jornalista Radio Comunidade Lian Matebean Baucau hateten depois de ekipa laboratorium nasional instala makina PCR iha Horex Baucau, segunda feira semana ne’e komesa hahu funsiona halo teste amostra ga swab ba pasiente hat nolu resin neen nebe Ekipa Responde Rapidu no Vizilancia Epidemologia foti iha fatin ne’ebé mak afeitadu Covid 19.

Nia afirma makina Polimerabe Chain Reaction nia funsaun laos deit ba teste swab covid 19 nian maibe fo teste mos ba pasiente sira nebe sofre moras hanesan Hepatitis , TBC no HIV/SIDA .

“ sim ida ne’e komesa horseik ita hamutuk ekipa laboratorium nasional lori makina mai ne’ebé instala ona, I komesa ohin ita teste ba amosta covid 19 ninian,amostra hirak ne’e la lori ona ba dili. enkuantu makina nee laos teste ba swab ba covid nian maibe teste mos ba TBC no mos hepatitis inklui HIV/SIDA “.
Sales hatutan rejultadu ba teste amostra covid 19 sei lori ba iha sala situasaun gestaun krize nasional mak sei anunsia sai ba publiku .

“Ida ne’e ital abele fo sai uluk iha ne’e, maibe ita ekaminha rejultadu ba laboratorium nasional sei kontinua enkaminha ba ministeriu vizilansia epidemologia no sei kontinua enkaminha ba sala situasaun jestaun krize mak sei anuncia ba publiku, ami labele anunsia iha ne’e “.

Iha tempu hanesan Prezidente Autoridade Municipiu Baucau Oliviu FReitas “Bou-Lesa“hateten sinti kontente ho estabelesementu makina Polimerabe Chain Reaction iha Horex Baucau tamba bele halo atende lalais ba teste amostra ou swab ba covid 19 nian .

“ ha’u hare diak tamba besik liu tan mai bele lalais liu tan tamba covid loro-loron komesa aumenta ne’ebé laboratorium nasional estabelse iha ne’e ha’u sente furak ba rejultadu sampel sira ne’ebé mak foti bele lalais fo sai nia rejultadu tamba ema ida mak pozetivo covid 19 mak ema ne’ebé mak kontaktu direita ho nia.atu nune’e ekipa saude lalais foti nia amostra hodi ba teste iha laboratorium sambil hein nia rejultadu”.

Durante loron rua ekipa saúde municipiu nain sanolu resin rua,horex municipiu baucau nain sanolu resin hat , responsavel vizilansia epidemologia inklui responsavel triage sira kuaze hamutuk nain hat nolu hodi tuir treinamentu ba teste swab ba covid 19 ba iha laboratorium nebe mak estabelese ona iha horex baucau .

Jornalista : Feliciano Venancio Belo
Editor Nazario Bento

Comment