by

PAM Baucau : Dalen Ingles Sai Save ba Odamatan Mundu


Presidente Autoridade Munisípiu Baucau Olivio Freitas “Boulesa”, hateten dalen ingles sai save odamatan ba mundu internasionál , tamba liu husi dalen hirak ne’e mak bele transmite matenek ba ema seluk.

Presidente Autoridade Munisípiu Baucau hato’o lia hirak ne’e , ba Jornalista Radio Comunidade Lian Matebian Baucau , wainhira fahe sertifikadu ba estudante na’in sanulu resin lima husi departamentu dalen ingles iha Fundasaun Cailalo sesta feira ne’e.

Nia afirma, estudante sira ne’ebé mak hetan ona graduasaun ne’e nafatin prátika dalen ne’e no iha vontade hodi aprende tamba dadaun ne’e, la iha situasaun ruma hodi impede bainhira estuda no prátika dalen hirak ne’e.

“Bainhira imi la pratika iha imi nia moris loro-loron ne’e imid bele hatene nafatin ,tamba saida mak hau hakarak koalia hanesan ne’e,tamba ingles ne’e sai xave odamatan dunia nian ou xave da porta do mundu ne’ebe ita boot sira hanoin ida ne’e ba deit,bainhira ita boot sira iha vontade no esforsu no assimilasaun iha ita boot sira ne’e bele hatene buat ruma tamba agora dadaun ne’e la iha situasaun ruma hodi impede ita boot sira,ne’ebe ita boot sira iha fiar no prinsipiu ida katak aprende buat barak laos iha banku universitarius deit iha ne’ebe deit ita boot sira aprende tamba aprende ne’e bele liu husi konvivensia ou dadalia husi ita nia maluk sira sei bele transforma ita boot sira nia kapasidade nu’udar ema ida ke bele bahasa Indonesia karik bele berguna iha ita boot sira nia an,hau mos hakarak husu parabens ba imi nain sanulu resin lima invez de pasiar hanesan ema seluk-seluk buka problema maibe imi ami lakon tempu iha fatin ida ne’e hodi kapasita ita boot sira nia an liu husi lingua ingles” Dehan Presidente Autoridade Munisípiu Baucau Olivio Freitas “Boulesa” Sesta-Feira,12/03/21.

Lider másimu munisipiu baucau ne’e mos nafatin husu ba Diretor Fundasaun Cailalo , hodi fó tan kursu kona-ba finansas no komputador ba estudante sira, hodi dezenvolve Fundasaun Cailalo tamba nasaun agora dadaun sai nasaun eletrónika.
“Hau hakarak husu ba diretor fundasaun Cailalo atu bele buak meius oinsa bele admitire finansas para dezenvolve fatin ida ne’e ba treinamentu tamba komputador mos iha,tamba ita nia nasaun ne’e sai ona nasaun eletronika tenki buka hatene” Olivio Freitas “Boulesa haktuir.

Atual PAM Baucau rekomenda ba Fundasaun Cailalo ,atu aumenta tan kursu dalen portugues tamba konstutuisaun RDTL garantia dalen portugues sai lian ofisiál.
Jornalista :AG and CP

Editòr: Agus Guterrea

Comment