by

Fundasaun Cailalo Gradua Fomando Lian Ingles Nain Sanolu Resin Lima.


Fundasaun Cailalo fó graduasaun no fahe sertifikadu kursu ba formando lian ingles hamutuk ema nain sanolu resin lima ne’ebé tuir kursu durante fulan tolu.

Tuir Diretur Fundasaun Cailalo Augusto Pires ba Radio Komunidade Lian Matebean Baucau sesta fera ne’e hateten formandu hirak ne’e tuir kursu ingles bazika ne’ebé iha ona preparasaun no favoritismu no valor ne’ebé diak

Nia afirma kursu lian ingles ne’e atu distrai joventude sira hosi konflitu oi-oin iha munisípiu baucau tambá ne’e diretu kailalo dezafia formando nain sanolu resin lima hodi minimiza konflitu iha ita rain, alende kursu ingles hanorim mós materia sira seluk hanesan diretus humanus komputador.

“aktividade ohin ami halo graduasaun ba joven na’in sanolu resin lima ne’ebe tuir ona kursu durante fulan tolu nia laran iha fatin ida ne’e i sira tuir Kurusu ingles bazika ne’ebe sira nia preparasaun sira halo depois sira nia favoritizmu no valor mos ita hare’e diak ohin ita gradua sira no iha kursu ida nia objektivu atu hakbit ou aumenta sira nia kapasidade iha lian ingles no iha parte seluk atu distrai husi konflitu oioin ne’ebe mak akontese iha ne’e portantu ita desvia tiha ona sira mai tiha ne’e kursu la iha tan ona tempu atu halibur malu hodi halo konflitu iha fatin seluk”dehan Augosto ba jornalista RCLM kinta-feira(12/03)wainhira remata graduasaun estudantes iha sentru formasaun Cailalo Baucau.

Nia hatutan dadaun ne’e fundasaun cailalo prepara ona dokumentu hodi ba regista iha sepfope atu hetan akriditasaun Institu Maon de Obra ( INDIMO) nune’e ba futuru bele dezenvoleve liu tan foin sa’e sira kapasidade.

“la’o sefope asenta nia kriteria maibe ami husi cailalo mak seidauk kompleta kriteria sira ne’e no ami koko atu iha fulan rua ka tolu ami sei ba sefope para hare’e kriteria saida mak bele fob a sentru ida hanesan ami nian ne’e atu nune’e ida ne’ebe ami bele kompleta ida ne’ebe ami seidauk bele ami hateten ba sira maibe ami sei koko hahu iha semana oin hodi halo proximasaun ba kriteria sira ne’ebe mak presiza”hatutan Dirktor Cailalo.

Iha tempu hanesan Diretor Sefope Munisípiu Baucau Romualdo de Sousa husu Fundasaun Cailalo atu kompleta dokumentus hodi aprezenta ba sefope Munisípiu nune’e bele hetan akriditasaun hosi INDIMO hodi bele hatene númeru fomandu kada tinan hira mak tuir kursu iha sentru fundasaun Cailalo.

“Sentru formasaun tantu ne’ebe mak foun ita joven sira ne’ebe mak tuir formasaun tenke ba rejistu iha sefope para ita iha baze de dadus para ita hatene sentru formasaun fundasaun cailalo halo garaduasaun ba joven sira iha na’in hira tamba ne’e ba oin presiza esforsu makas servisu hamutuk ho sefope liu har’e ba formasaun lingua ingles no komputer”dehan Romualdo.

Entertantu Formandu Bazilia dos Santos Freitas hateten orguillo no kontente tamba bele termina ona kursu lian ingles ho susesu durante fulan tolu no sei hakarak kontinua kursu lian ingles iha nivel avansadu.

“hau orgullo no kontente tebes tamba ami termina kursu durante tinan tolu no ohin ami halo gradusaun i hau hakarak tebes ami atu kontinua ami nia kursu ingles ba oin nafatin”dehan Formandu
Iha serimonia graduasaun ne’e fundasaun Cailalo entrega reloujiu liman ba formandu nain rua inklui fahe konstituisaun RDTL lian ingles ba formandu nain sanolu resin lima.

Jornalista: Agus Guterres

Editór : Agus Guterres

Comment