by

F-FDTL Lanud Baucau Halo Ezersísiu matebean 21.1 atu Responde ba Covid 19.


Falentil Forsa Defeza Timor Leste Primeiru Batallaun Komponente Terestre Lanud Baucau halao Ezersisiu Matebean 21.1 hodi bele responde ba surtu covid 19.

Komadante Primeiru Batallaun Komponente Terestre Lanud Baucau Tenente Coronel Renilde Guterres da Silva Cortereal ba jornalista Radio Comunidade Lian Matebean Baucau sesta feira ne’e hateten tinan-tinam sempre halo ezersísio maibe senariu ne’e, diferente ho tinan bai-bain tamba halai liu ba militar nian. Maibe senariu ezersísio matebean ne’e, halo oinsa atu intervein ga responde lalais moras ne’ebé mak dadaun atake Timor Leste.
Renilde afirma forsa tenki preparadu atu nune’e iha tempu saida deit moviliza malu hodi prevene ba situasaun ne’ebé dadaun ne’e Timor Leste Hasoru liu-liu ba pandemia Covid 19.


” ezersisiu ne’e nia instrusaun halai liu ba oinsa ita atu bele kombate Pandemia Covid 19 ne’ebe afeita dadaun ba mundu tomak inklui Timor- Leste . Bai-bain diresenado liu ba oinsa militar bele halo ezersisiu ida bolu naran ofensiva no defensiva maibe senariu ne’e ita foti atu koresponde ho pandemia ne’ebé agora akontese iha ita nia rain tamba ne’e forsa tenki preparadu para bele kualker momentu mobiliza ita bele responde situasaun ne’ebé agora dadaun ita infrenta”.

Entertantu Prezidente Autoridade Municipiu Baucau Olivio Freitas “Bou-Lesa” apresia no kongratula ba ezersisiu ne’e tamba nudar militar tenki preparadu atu hasoru kualker situasaun ne’ebe mak Nasaun hasoru

” Hau apresia tebes no kongratula ba ezersisiu ne’ebé mak forsa sira ohin aprezenta tamba nudar militar tenki prepara ba eventu saida deit ka kualker akontesementu militar preparadu atu koresponde iha ne’ebé deit no bainhira deit no hau husu ba forsa F-FDTL atu dezenvolve liu tan”.


Iha Ezersisiu ne’e menbru F-FDTL sira halo demostrasaun kona ba buska,serka, no fuga ba ema sira nebe halai husi kuarentena atu bele halo prevensaun.

Jornalista : Feliciano Venancio Belo

Editor : Dulce Santina Belo

Comment