by

Pessoal Saude Baucau Evakua Estudante Medesina nain ida Tamba Familia Pozetivo Covid 19.


Ekipa Vizilansia Epidemologia Pilar Tres Municipiu Baucau identifika alin feto ida ho inisial FI idade 23 nudar estudante medesina jeral , ne’ebé dau-daun ne’e halao estagiu iha Horex Baucau dekomfia suspeitu ba Covid 19 tamba nia halo kontaktu ho nia familia pozetivo covid 19 tamba ne’e , Ekipa Vizilansia Epidemologia traspota ona ba kuarentena Dili hodi hein nia rezultadu teste swab iha Laboratorium Nasional.


Responsavel Ekipa Vizilansia Epidemologia Pilar Tres Maria Cándida dos Reis ba Jornalista Radio Comunidade Lian Matebean Baucau quita feira ne’e hateten ekipa vizilansia diskonfia alin feto ne’e suspeitu ba Covid 19 tamba nia halo kontaktu ho familia pozetivo covid 19 iha semana kotuk liu ba tamba ne’e ekipa epidemologia foti kedas nia amostra no kontinua halo investigasaun ba nia viagem husi Dili mai iha Baucau.

“ohin ami mai iha fatin ne’ebé diskonfia ba kazu covid 19 hodi lori suspeitu ne’e ba Dili tamba ninia familia pozetivo Covid 19. Tamba ne’e hodi kalan ami mai foti nia amostra no ohin ami kontinua halo investigasaun ba ninia viagem husi Dili mai iha Baucau “.

Nia afirma alin feto ne’e mai husi Dili iha Domingu foin lalais ne’e ho Bus maibe nia sae Dala rua tamba Bus ne’ebé nia sa’e uluk hetan asidenti iha Area Vemasse no nia kontinua sa’e fali Bus seluk hodi viagem mai Baucau

” Nia viagem husi Dili mai Baucau ne’e iha domingu foin lalais ne’e nia ho Bus maibe nia seidauk detekta Bus ne’e nia naran tamba labarik ne’e ema husi loro-monu nian entaun nia ladun hatene Bus ne’ebé nia sa’e ,ami responsavel sei buka tuir Bus ne’ebé mak Nia sa’e tamba Bus ne’ebé mak nia sa’e La hatene nia naran”.


Maria Cámdida hatutan quinta feira nee Ekipa Vizilancia sei lori suspeitu ne’e ba kuarentena hotel Nobo Orizonte Dili hodi hein rejultadu teste iha aboratorium Nasioanl.
Enkauntu suspeitu ne’e hela hamutuk ho nia kolega nain neen kompostu husi mane nain rua no feto nain lima inklui nia iha area Aderai Vila Nova Baucau.

Jornalista : Feliciano Venancio Belo
Editor : Sandra Lucelya

Comment