by

Moras ASF Kontinua Hamate Komunidade nia Fahi Iha Munisípiu Baucau


Dirasaun Servisu Munisípál Agrikultura Baucau liu husi Departamentu Pekuaria no Veterinaria halo monitorizasaun no identifika moras African Swine Fever( ASF) kontinua hamate fahi komunidade nian iha area Mulia suku Uaitame Postu Administrativu Quelekai.

Tuir Xefi Departamentu Pekuaria no Veternaria Dirasaun Servisu Munisípál Agrikultura Baucau Januario Correia ba jornalista sira kuinta-feira ne’e informa,moras ASF kontinua hamate komunidade nia fahi tambá ne’e atu prevene husi moras ne’e komunidade sira presiza hakiak fahi tuir sistema bio seguransa no sanitasaun.

Nia afirma Dirasaun Servisu Munisipál Agrikultura Baucau la iha ai moruk hodi halo vasinasaun ba moras refere maibé komunidade sira halo prevensaun hakiak fahi liu husi sanitasaun.

“moras ASF ne’e to’o ohin loron ne’e dirasaun servisu munisipal agrikultura liu husi departamentu pekuaria no veterinaria mos nafatin la’o tun ba iha baze hodi halo monitorizasaun ba moras ASF nian maibe moras ne’e sei afeta hela fahi ne’ebe komunidade hakiak ida rua iha area Mulia maibe problema mak ita nia sistema hakiak bio seguransa la dun maximu sistema tenke la’o preventivu bio seguransa tenke ketat,ne’e depende ba komunidade se ita halo sosializaun ba prevensaun moras ida ne’e mak liu-liu mak ita tenke prevene bio siguransa no sanitasaun ne’e”dehan Xefi Departamentu Pekuaria no Veternaria Dirasaun Servisu Munisipál Agrikultura Baucau Januario(11/03) iha Edifisiu Dirasaun Servisu Munisipál Agrikultura Baucau.

Xefi Departamentu Pekuaria no Veternaria mós husu ba komunidade sira iha munisípiu baucau atu la bele konsumu fahi ne’ebé mak mate ho moras ASF maibé tenke hakohi tamba moras refere sei daet ba fahi sira seluk ne’ebe moris.

“Dirasaun Servisu Munisípál Agrikultura Baucau liu husi Departamentu Pekuaria no Veterinaria ami husu ba hakiak nain sira liu-liu ba hakiak fahi ne’ebe moras mosu dadauk ne’e ita tenke prevene fahi ne’ebe mate iha vizinus sira ita la bele simu hodi han se wainhira ita han bele hadaet moras ne’e ba ita nia fahi sira ne’ebé isin diak tamba ne’e fahi mate tenke hakohi” Dehan Januario

Nia argument Dirasaun Servisu Munisipál Agrikultura Baucau liu husi Departamentu Pekuaria no Veterinaria kontinua halo sosializasaun ba komunidade sira ne’ebé hakiak fahi tuir sistema bio seguransa no sanitasaun hodi halo prevensaun ba moras ASF.
Jornalista:Agus Guteres/Abrão Freitas.

Editór : Agus guterres

Comment