by

WVTL Realiza Formasaun Programa Futuru livre hosi Violensia ba Grupo Targetu


World Vision Timor-Leste Munisípiu Baucau realiza formasaun ho programa Futuru Livre hosi violensia ba grupu tarjetu hosi suku lima iha Postu Administrativu Baucau Vila Munisípiu Baucau ho objetivu atu halibur feto maluk sira ne’ebé durante ne’e ema nunka tau matan no sempre tau feto ba kotuk.

Tuir kordenador programa Futuru Livre hosi violensia Mariano Pinto ba Jornalista Radio Komunidade Lian Mateban Baucau Kuarta Fera ne’e hateten,liu hosi formasaun ne’e atu halibur feto maluk sira bele sai feto ne’ebé forte hodi apoiu ba vida familia nian nune’e bele suporta ba dezenvolvimentu nasaun nian.

Nia afirma iha formasaun ne’e targetu sira aprende mós kona-ba programa protesaun labarik,violensia domestika,inkluzaun social,no violensia sexuál.

“Entaun esklizaun sosiál ne’e maka ita bele dehan katak oinsa maka bele halibur ita nia ina feton sira dalabarak durante ne’e ema nunka tau matan ba sira entaun sira ne’e sempre iha kotuk hela de’it entaun ema nunka envolve iha atividade ne’ebé mak koalia kona ba atividade governu no nian atividade ajensia nian entaun iha topiku ida ne’e ita sei koalia liu liu ba oinsa maka ita bele impoder ita nia feto maluk sira dalabarak ema nunka tau matan ba sira entaun liu husi informasaun sira ne’e sira bele hatene iha futuru oin mai sira bele halibur feto maluk sira ne’e atu nune’e sira bele sai feto ne’ebé maka forti atu nene’e bele suporta ba vida familia nia no mos bele suporta liu liu ba dezenvolvimentu rai ida ne’e ninian entaun ida ne’e maka tópiku primeiru iha loron ida ne’e segundu nian koalia kona ba protesaun labarik I protesaun labarik ne’e iha ne’eba ita haree pilar haat ne’ebé maka koalia i saida maka protesaun labarik ne’e protesaun labarik ne’e ita haree ba baze fundamental haat ne’ebé maka ita dehan katak oinsa mak labarik sira bele hetan sira nia direitu ba asesu ba edukasaun,saúde no mos seluk-seluk tan ne’ebé mak bele proteje liu liu oinsa mak sira bele asesu ba informasaun sira entaun aprofisaun labarik ne’e ita bele hatene katak tipu tipu saida maka dalabarak ne’e bele afeta ba labarik no iha ne’eba mos iha violensia ne’ebé maka akontese ba labarik sira entaun iha ne’eba dalaruma violensia sexual ba labarik feto sira no mós ba ita nia inan feto sira” Dehan Mariano

Nia hatutan problema violénsia ne’ebé dadaun ne’e akontese iha iha sosiedade nia le’et la’os ona mane mak halo ba feto maibé tuir dadus ne’ebé iha ikus ikus ne’e feto mak halo ba mane.

“entaun ikus ikus ne’e ita mós la’os hetan deit dehan katak inan aman maka halo violensia doméstika hasoru nia fen maibé ita mós hetan dadus ka evidensia balun ne’ebé nia fen rasik halo asaun violensia baku nia laen entaun nia laen konsege halai nai parte sira ne’ebé maka servidores liu liu hanesan uma paz sira, pradet sira uma mahon sira no mos konese atu nune’e bele hato’o keisa dehan katak nia fenj duni maka baku sira”

Iha tempu hanesan Xefe Departementu Apoiu Sosiadade sivil hosi munisipiu Baucau Regina de Sousa ne’ebé mos sai hanesan orador iha formasaun ne’e hateten atu promove feto timor leste persija organiza feto sira hodi halo aktividade iha area sosial, kultura,ekonimia no politiku nian tamba feto mak garante iha kualidade jeneru hodi hasa’e partisipasaun feto iha aspetu hotu-hotu.

“Organiza hotu promove feto timor nia direitu hodi halo atividades area sosial,kultura,ekonómia no politiku nian ho feto munisipiu ne’ebé garante igualidade jéneru hodi hasae partisipasaun feto iha aspetu hotu-hotu”Dehan Regina

Entertantu reprezentante partisipantes formasaun Lidia Vitoria Ximenes sente kontente partisipa iha formasaun kona-ba programa protesaun labarik,violensia domestika,inkluzaun social,no violensia sexual tamba dala barak akontese kazu hirak ne’e iha sira nia le’et susar atu hato’o maibe ho formasaun ne’e hakarak wold vision halo implemetasaun programa ne’e iha iha suku.

“tanba dalabarak akontesimentu ba ami nia oan sira ne’bé kiik laran nurak la hetene buat sira ne’e I depois mos kona ba difisiente sira tanba dalan ami la hatene ami lao nunka lao akontese foin word vition konvida atan ha’u hiit mai hakarak mai partisipa oinsa atu bele lao hamutuk ho word vition atu halo implementasaun iha ami nia suku no aldeia laran”Dèhan Lidia

Formasaun ne’ebé realiza hosi world vision timor leste munisípiu baucau hetan partisipasaun maximu hosi grupo tarjetu hosi suku lima hanesan Tirilolo, Buibau,Wailili,Samalari No Garuiai Postu Administrative Baucau Vila.

Jornalista :Agus Guteres/Abrão Freitas.

Editór :Agus Guterres

Comment