by

Komunidade Buruma Oferese Rai Gratuita ba Eskola ensínu Báziku Buruma,hodi Hari’i Sala 3


Komunidade husi Suku Buruma Postu Administrativu Baucau Vila oferese rai gratuita ho nia luan metru tolu nolu no naruk metru sanolu resin rua ba eskola primeiru segundu terseiru siklu inklui pre-primaria eskola filial klase paralelo buruma hodi hari’i tan sala tolu.

Rain Na’in Evangelino da Silva ba jornalista sira tersa feira ne’e iha eskola ensinu baziku buruma hateten, nia hakarak entrega rai gratuita ba eskola ensinu báziku buruma tambá nia mós iha oan no bei oan ne’ebé barak maibá ba eskola fali iha baucau vila tambá ne’e nia ho insiativa oferese rai gratuita ba eskola ensinu bazíku Burma atu nia oan mós bele asesu ba edukasaun iha eskola refere.

Nia afirma ho eskola foun ne’e bele faselita ona oan sira hodi asesu ba edukasaun ho distansia ne’ebe mak beseik ,kompara ho tinan kotuk oan sira tenke ba eskola iha baucau vila no selu trasporte kada loron.

“ Hau hakarak intrega rai ida ne’e ba eskola tambá hau nia oan mós iha e hau nia beoan sira mós agora barak,maibé hau hare labarik sira ne’e iha ne’e ema barak nia oan iha,maibe sira lori fali ba buruma maka ba fali Baucau,Nune’e maka hau hanoin hau mós hau nia beoan sira nain tolu nain haat iha ne’e ona hau mós hanoin entaun hau lao hanesan hau fahe tempo mós labele duke hau hakarak fó rai pedasuk ida ne’e ba estado nomos ba mestre sira ami bele halo uma escola didiak iha ne’e entaun labarik sira besik atu besik escola iha ne’e.Ita lalika gasta osan tan, maibe ita selu kadernu ho lapijeira deit, sosa deit ida ne’e fo deit ba labarik escola deit iha ne’e ona.Duke ba fali eskola do’ok entaun selu tan kareta entaun fulan ida ita selu hira.Duke diak liu osan lima puluh sent ga satu dollar ita sosa deit kaderno entaun sira eskola bele tinan ida hanesan ne’e bele remata”dehan Rain nain Evangelino ba jornalista sira Tersa-feira(09/03) wainhira parstipa inagurasaun sala tolu iha eskola klase paralelo Burma.

Iha sorin seluk Prezidente komisaun organizadora serimonia inagurasaun sala tolu uma eskola ensinu báziku primeiru segundu terseiru siklu no pre-primaria klase paralelo buruma Ricardo da Costa hateten kontribuisaun orsamentu ne’ebé mak hari’i tan sala tolu iha eskola ensínu báziku buruma mai husi inan aman estudante,komunidade buruma oan ne’ebé hela iha baucau no Kapital Dili,konselu profesores iha Buruma no tirilolo baucau totál orsamentu hamutuk dolares amerikanu rihun sia atus ne’en ualu hodi hari’i sala tolu iha eskola refere.

“kontribuisaun orsamento husi inan – aman tuir número estudante kompostu husi primeiro no Segundo siklu, inklui terseiru siklu paralelu de Buruma, ho total hamutuk Quinhentos e deza seis aulas,kada estudante dollares de Amerikanu rua nolu maibé selu faziadamente no apoio mos husi Buruma oan ne’ebé maka iha Dili no Baucau,no mós konselho professores husi EBF Buruma,no EBC Tirilolo Baucau Kontribuisaun orsamentu husi Alunos,total orsamentu ba primeira faze hamutuk, rihun hat atus rua lima resin ualu dollares Amerikanu,Total orsamento ba Segundo faze hamutuk rihun hat atus tolu lima dollares,Totál geral osan tama hamutuk rihun sia ne’en nolu resin ualu dollares Amerikano”dehan Ricardo

Xefe suku Buruma Liborio dos Santos Freitas agradese ba komisaun organidadora ho nia estrutura tomak proefsores sira maske hasoru difikuldade no rona lia husi komunidade balun maibé sira iha esperansa nafatin hodi hari’i tan sala tolu iha eskola baziku klase paralelo buruma ho susesu.

“Agradese tebes ba ita nia professor sira, liu-liu komisaun organizadora,sira permitidu nafatin, sira la’o maske sira rona lia barak husi inan – aman de aluno, nomós komunidade sira seluk ne’ebé mak sempre tenta atu diminui plano ne’e para labele la’o ba oin Maibé agradese tebes ita nia komisaun, inan – aman liu-liu APP ho ninia membru tomak, hamutuk ho direktur eskola tomak,EBC Tirilolo hamutuk ho direktor eskola paralelu Buruma nian,sempre permitidu nafatin, sira ejekuta duni planu ida ne’e to’o remata e ohin loron ita mai iha ne’e atu sai sasin ba prosesu sira ne’e hotu”dehan Xefe suku Buruma

Entertantu Tersa-feira semana ne’e Prezidente Autóridade Munisípiu Baucau,Direktor Servisu munisipál Edukasaun Juventude Desportu Baucau akompaña husi Pe.Parokia Santo Antonio baucau halo ona inagurasaun no abertura sala tolu eskola refere hodi halo prosesu aprendisajem iha laran.

Jornalista : Agus guterres/Abrão Freitas

Editór :Agus Guterres

Comment