by

Folin Fós Kilograma 25-30 Sae Ba Dolares Amerikanu 16 To’o 18 Iha Suku Namanei.


Fós kilograma rua nolu resin lima nia Folin sa’e ba dolares amerikanu sanolu resin ne’en no fós kilograma tolu nolu nia folinsa’e ba sanolu resin ualu iha suku Namanei Postu Administrativo Quelicai Munisípiu Baucau. Xefi Suko Namanei José Ximenes hato’o lia hirak ne’e ba Jornalista Radio Comunidade Lian Matebean Baucau kuarta feira semana ne’e iha suku Namanei.

Jose esplika, Relasiona udan bo’ot ne’ebé mak akontese iha semana kotuk halo estrada Dirasaun Tekinaumata to’o iha suku Namanei postu Administartivo Quelicai halo taho makas fó difikukta ba transporte publiku sira ne’ebé atu tula nesesidade baziku mai iha Suco Namanei.

Xefi Suko afirma hahu husi loron ha’at fulan Marsu to’o agora folin fós komesa sa’e ona kompara ho fulan kotuk liu tambá emprezariu sira husi Baucau -Vila ne’ebé sempre mai fa’an nesesidade báziku ne’e, la mai ona tambá estrada la diak.

“Estrada suku namanei ne’ebé liga ho suku Tikinaumata kuaze distansia kilometru rua hanesan ne’e kondisaun la di’ak tamba ne’e transporte publiku sira ne’ebe tula sasan mai fa’an iha ne’e la mai kuaze fulan rua ona, tamba nesesidade baziku ne’ebe fa’an iha keos sira mos kuaze la iha hotu ona i balun mak sei fa’an maibe maibe foos ho kilograma rua nulu resin ho folin dolar sanulu resin lima to’o sanulu resin ne’en, no ida bo’ot ne’e delapanblas dolar lima pulu sen” informa José Ximenes ba kuarta-feira (10/03)liu husi Via Telefone.

Xefi Suku José Xiemens husu ba emprezariu sira iha Munisípiu Baucau laran tomak atu lori nesesidade báziku hanesan fos mina no seluk tan ba iha Suko Namanei atu nunee komunidade sira bele hola hodi auguenta ba moris loro loron.

“Iha uma sira fos komesa menus liu ona, tamba ne’e husu ba emprezariu sira ne’ebe fa’an sasan bele mai iha estrada di’ak atu komunidade sira tun ba sosa tamba foos ne’ebe faan iha keos sira mos hela de’it karon hitu ka ualu de’it ona no iha keos balun ne’ebé ohin ha’u ba hare no husu nia folin dezaseis dolar ho kilograma rua nulu resin lima” Tenik Xefe suku Namanei.

Nia hatutan nesesidade obriga komunidade sira obrigadu lao ain kuaze kilometru rua resin ba Suku Afasa no Postu Administrativo Laga hafoin hola sasan nesesidade báziku hodi sustenta ba moris loro-loron.

Jornalista”Feliciano Venancio

Editór :Agus Guterres

Comment