by

SMEJD-Baucau Abertura Eskola Terseiru Siklu Filiál paralelu Buruma


Servisu Munisipál Edukasaun Juventude no Desportu Baucau halo abertura ba eskola terseiru siklu pre –eskolar Filiál Paralelu Buruma tambá konsidera konstrusaun edifisiu eskola refere hanesan progresu koletivu hosi komunidade Buruma.

Lia hirak ne’e hato’o hosi Diretur Servisu Munisipál Edukasaun no Juventude Desportu hafoin halo abertura ba eskola terceiru siklu fialiál Buruma hateten SMEJD –Baucau fó honra ba komuidade Buruma, sai komunidade edukativu ne’ebé hakarak eduka dunia nia oan sira sai matenek iha futuru.

Nia afirma,progresu ne’e hanesan progresu koletivu hosi autoridade lokál suku buruma nian ho adminitrador baucau vila sai vizionarius tamba sai ema ne’ebé iha vizaun hodi projeta politiku edukasaun nian iha futuru no sai mós hanesan progresista iha nia rain rasik.

“abertura ida ne’e hanesan progresu ida servisu munisipál edukasaun juventude desportu baucau konsidera progresu ne’e hanesan esforsu koletivus husi komunidade buruma ninian tambá ne’e servisu edukasaun munisipál baucau fo naran ka titulu ida ba komunidade buruma nu’undar komunidade edukador i buruma merese hetan hanaran edukativa ne’ebé hakarak eduka nia oan sira sai matenek iha futuru”dehan Feliz iha nia Diskursu Kuinta_feira(09/03) iha eskola buruma.

Nia hatutan liu hosi progresu hirak ne’e kontribui mak’as mós hosi Prezidente Autóidade Munisípiu Baucau tambá ne’e Servisu Munisipál Edukasaun Juventude no Desportu –Baucau iha esperansa bo’ot iha lideransa Prezidente Autóridade Munisípiu Baucau sei ultra pasa dezafius ne’ebé sei mai liu liu ba moru no infrastrutura baziku eskola sira seluk.

Nia esplika atu ema hotu depozita nia konfiansa tomak ba Prezidente Autóridade Munisípiu Baucau konta ho nia hodi ultrapasa dezafiu hirak ne’e.

“iha esforsu no progresu sira ne’e mós nu’undar kontribuisaun husi sx presidente autóridade munisípiu ninian ema ida ke rezistensia no vetranus mos tambá ne’e servisu edukasaun munisipál baucau iha esperansa bo’ot ho lideransa PAM baucau ita bele sei ultrapasa dejafius ne’ebé mak sei mai mak hanesa eskola ida ne’a hanesan falta moru protesaun maybe ita depozita ita nia konfiansa ba iha Pam baucau konta ho nia no konta ho ita dejafius sira ne’e ita sei ultrapasa maseke nei-neik ba bei-beik”Feliz Hatutan

Entertantu Prezidente Autóridade Munisípiu Baucau Olivio Freitas Hateten ho abertura eskola terseiru siklu pre –eskolar Baziku Filial Buruma nian apoiu liu ba dezenvolvimentu edukasaun tambá profesor no inan aman iha konsensia atu kontribui dezenvolvimentu edukasaun tambá dezenvolvimentu hanesan baze fundamentál hodi haforsa nasaun ida iha mundu .

“ho abertura eskola filiál buruma nian hau sente apoiu liu iha dezenvolvimentu tambá saida? tambá hau sente katak profesores no inan aman iha konsiensia atu kontribui dezenvolvimentu edukasaun se la iha edukasaun nasaun ida sei fraku ne’ebé komunidade inan aman profesores no família sira iha dilli ema buruma nian ne’ebé kontribui hodi aumenta sala tolu hau sente pozitivu tebe-tebes tambá ita sente katak ita sidadaun los nundar timor oan ne’ebé fó apoiu ba dezenvolvimentu iha ita nia rain rasik”dehan PAM Baucau

Iha sermonia abertura ne’e alunus hosi eskola filiál Buruma halo mos resepsaun no dansa kultura hodi simu prezidente autóridade Munisípiu Baucau.

Jornalista:Agus Guterres/Abrão Freitas

Editór : Agus Guterres

Comment