by

Mane Tinan 18 Kanek Todan Tamba Kareta Soke Iha Area Rakalele


Tome Freitas tinan sanolu resin ualu kanek todan tamba kareta soke iha Area Rakalele Vila Nova-Baucau tersa feira ne’e.

Familia vítima Lino Bernardino Coreia ba Jornalista Radio Comunidade Lian Matebean Baucau iha Hospital Regional Eduardo Ximenes Baucau hateten asidente ne’e akontese hafoin vítima ho bisikleta diresaun husi rotunda Vila-Nova atu ba uma iha area rakalele hetan soke ho kareta mikrolete rejulta vítima hetan kanek todan iha parte ulun no oin inklui ain kelen.

Lino afirma depois de akontese familia evakua kedas vítima ba Hospital Regional Eduardu Ximenes Baucau hodi hetan kuidadu intensivu.

“Ohin dadersan oitu horas ami rensana tamba hori kalan ami rona be dehan buat moras covid-19 lao namanas ona be ami mos rona ida ne’e ohin dadersan hau haruka nia sae biskileta hau mos sae mikrolet ami nain rua atu ba bairo rakalele tamba ami nia uma iha ne’eba be ami atu ba hamos fatin prepara fatin atu tau foos iha ne’eba,ne’ebe nia halai uluk hau sae mikrolet tuir ema hobur ba hare’e husi mikrolet biskleta latan hela iha Estrada klaran ne’ebe hau mos tun telfone polisia,polisia mai halo identifikasaun,nia kanek iha oin,inus,ho tan nia ain mak ohin ami kaer ne’e nia hakilar maka’as kala ain mak tohar ga nusa ne’e orsida komforme husi doutor imfermeiru mak bele hatene. Dehan Familia vítima Lino Bernardino Coreia ba Jornalista Radio Comunidade Lian Matebean Baucau Tersa-Feira ne’e (09/03/21) iha

Hospital Regionál Eduardo Ximenes Baucau
Too notisia ne’e públika jornalista seidauk hetan konfirmasaun husi komadante polísia munisípiu Baucau Superintendente Xefi Amando Montéiro tamba kazu ne’e sei iha prosesu investigasaun,

Enkuantu Tuir observasaun jornalista iha tereinu nota katak vítima sei iha sala emergencia HOREX Baucau.

Jornalista: Feliciano Venancio Belo

Editór

Comment