by

Komunidade Kailara kontinua halerik ba be’e mo’os


Komunidade area kailara Aldeia Ana-Ulo Suku Bahu Postu Admnistrativu Baucau vila família uma kain hamutuk rua nolu resin kontinua halerik ba be’e mo’os tambá semana rua ona parte Servisu Agua no Saneamentu Munisípiu Baucau la fornese be’e mo’os tuir órariu ne’ebé mak iha.

Kestaun ne’e hato’o husi Reprejentante komunidade area Kailara Aldeia Ana-Ulo Suku Bahu Postu Admnistrativu Baucau vila Angelino da Costa ba Jornalista Radio Comunidade Lian Matebian Baucau segunda feira ne’e hateten, durante semana rua parte SAS la fornese be’e mo’os sira tenkei utiliza udan be’en ne’ebé mak iha tambá nesesidade obriga.

Angelino da Costa afirma dadaun ne’e provizoriu sira uza udan be’en ba fase ropa no haris,enkuantu ba nesesidade tein etu provizoria uza be’e rezerva ne’ebé iha jeriken no tanki,tambá ne’e nia rekomenda ba parte SAS Baucau atu hadia lalais kanu ne’ebé mak deskonfia tohar iha fatin balun.

“iha seman ida ami hetan be’e dala rua maibé iha sabadu kotuk ne’e halo ba semana rua ona no loron hat be’e la mai,dadaun ne’e ami konsumu deit be’e oituan oituan ne’ebé hela iha tanki no bidon ba fase roupa no haris ami uza deit udan be’en,tambá ne’e ami husu ba parte SAS baucau karik kanu ruma mak at la bele hadia to’o seman ida ka rua maibé presiza hadia iha tempu badak nia laran para ami bela asesu be’e mos”dehan Anjelmo ba Jornalista RCLM(08/03).

Hatan ba prekuasan komunidade sira nian,Xefe Departamentu servisu Agua saneamentu(SAS) Munisípiu Baucau Fransisco Castro hateten tekniku SAS baucau nafatin fornese be’e ba komunidade kailara tuir órariu ne’ebé mak iha maibé dala ruma kanu mak tohar halo be’e la bele to’o iha komunidade kailara,maibé nia parte promote sei hamutuk ho tekniku sira hodi identifika deskonfia torneira ne’ebé at konekta husi RSS ba kailara hodi hadia iha tempu badak nia laran atu nune’e bele fornese fali be’e ba komunidade sira.

“hau konfirma ona ba operator maibé nia dehan durante ne’e nia loke hela be’e ,maibé be’e ba iha area kailara jalur hamutuk ho area RSS be’e iha hela soke iha kailara mak be’e la iha,entaun karik kanu mak intupidu ou tohar ne’e mak ami orsida ba hare’e to’ok karik loke be’e mak be’e la ba nafatin entaun kanu mak tohar no kuarta mak ita loke be’e hodi hare tok ”dehan Fransico

Xefe Departamentu SAS Baucau salient parte SAS sei buka identifika no hadia kanu ne’ebé deskonfia at atu nune’e bele fornese fali be’e ba komunidade area kailara.

Jornalista : Agus Guterres no Abrão Fretas
Editór : Agus Guterres

Comment