by

Eskola EBF Central Kontinua Suspende Prosesu Ensinu Aprendisajem


Eskola Ensinu Baziku Filial Central ho inisiativa kontinua suspende prosesu ensinu aprendisajem maske seidauk hetan imformasaun ruma husi parte servisu edukasaun munisipal no autoridade Munisípiu Baucau.

Lia hirak ne’e hato’o husi Kordenador Eskola Ensinu Baziku Filial Central Salvador da Costa Belo ba Jornalista Radio Comunidade Lian Matebian Baucau segunda feira ne’e iha nia kna’ar fatin informa, eskola refere iha inisiativa rasik kontinua hapara prosesu ensinu aprendisajem tamba nia parte dadaun ne’e seidauk hetan imformasaun husi parte relevante sira no oinsa halo prevensaun hasori surtu covid-19.

Salvador da Costa Belo afirma , maske nia parte foti dezisaun suspende eskola refere hodi fó implikasaun ba estudante sira maibé tuir nia moras ne’e mos perigozu tebes ba ema nia vida.

“Ami iha inisiativa rasik hodi suspende prosesu aprendisajem loron ohin tamba maske ami nia autoridade seidauk fo orientasaun maibe ami rona tutan malu husi ami nia vizinu eskola São domingus Savio nian , dehan ekipa sira mai suspende hela atividades, ne maka ami mos tamba tauk kona ba moras ida ne’e ami suspende hotu t ami nia eskola ida ne’e, ami mos hanoin hela ida ne’e kona ba ninia implikasaun kuandu ita atu hala’o atividade maibe orsida ninia impaktu hotu kona ba labarik sira no mos ami mestre sira , tamba ida nee ami mos tauk tamba moras ida ne’e moras perigu neebe ita tenke prevensaun ba moras ida ne’e,ninia kontinuasaun ne mak ami seiddauk rona imformasaun klaru tamba ohin molok atu tama ne’e mos hau fo avizu ba labarik sira ita seidauk iha orientasaun manten suspensaun hori bainrua be loron rua nia ga ita kontinua ne maka sei duvida hela fooin rona fali foin dehan suspende hotu ne maka ami mos akompana deit ida nee hasai labarik sira despaisu labarik sira diak ida ne’e komforme ami rona husi ami nia autoridade liuliu iha edukasaun servisu munisipiu baucau” dehan Kordenador Eskola Ensinu Baziku Filial Central Salvador da Costa Belo ba Jornalista Radio Comunidade Lian Matebian Baucau segunda feira,(08/03/21)’

Entertantu Responsavel Xefe Departmentu Ensinu Edukasaun Munisipal Baucau Augostu Hornai hateten, ligadu ho parte edukasaun no autoridade munisípiu Baucau suspende prosesu aprendisajem durante loron rua tamba deskonfia supeitu covid-19 iha munisípiu Baucau ne’ebé hetan detekta husi jestaun krize munisipiu baucau / enkuantu maske dadaun ne’e prosesu teste ba suspeitu refere sei provavel hela tamba ne’e ministériu edukasaun liu husi via telfone ba diretor edukasaun hodi prosesu ensinu aprendisajem la’o hanesan bai-bain.

“ Prezidente Autoridade hamutuk ho ami suspende tamba suspeitu nain sanulo resin ida ne’ebé lao hamutuk ho nia inan lori iha dili ninia teste seidauk fo sai entaun sexta ne’e eskola hotu hotu prekupa emtaun prezidente autoridade suspende atividade iha sexta no sabado grasa de deus tamba sexta nee fo sai kedas suspeitu nia oan sanulo resin ida neebe lori dili nee ninia rezultadu negative e depois suspeitu mos prosesu teste maske provavel entaun ministeriu da edukasaun via telefone oriente kedas diretor municipal atu ohin segunda feira dia oitu prosessu aprendizajem bele reativa fali iha baucau villa tamba suspensaun horibainhira ita lao ne’e ba deit baucau vila laran postu lima seluk kontinua lao mais komo rezultado negative minisrtro telefone direta ho diretor municipal atu reativa fila fali prossesu ne hahu ohin neebe ita liu husi media social ita komunika ona ba eskola sira iha baucau vila laran hau husi be fatumaka too seical to aubaka iha bucolic ita orienta para atu halao atividade processu aprendijazem” dehan Responsavel Xefe Departmentu Ensinu Edukasaun Munisipal Baucau Augostu Hornai.

Augostu Hornai sublina nafatin orienta eskola sira hodi kontinua prosesu ensinu aprendisajem tamba minisitériu edukasaun fó ona orientasaun katak eskola sira bele hala’o fali prosesu aprendisajem maibé nafatin kumpri protókolu ne’ebé mak iha.
“Nuudar diresaun ami orienta ona mais nuudar ema sira mos tauk galae maibe sira ami kontinua orienta sira para tamba ministru ona instrusaun atu halao prossesu fila fali hahu ohin tamba desizaun lokdown laos municipal nee nivel nasional mak halo desizaun soke horibainrua sexta sabado ita hapara atividade ne’e tamba bee kestaun labarik lubuk ida eskola iha vila laran entaun atu prevene be keta halo iha possibilidade hadaet entaun ita hapara atividade ne’e mas hahu ohin ne’e lao fila fali ne’ebe eskola sira ne’ebe seidauk halao nee ami nia obrigasaun kontinua fo hatene sira importante ba sira mak lao iha protocolo saude ninian mai labarik ija maskra fase liman ensanetajen distansiamentu sosial tamba ne mak aproveita apelu ba alin estudante sira toman ka kebeasan babain kaer liman metin ne’e husu par alin sira nee para lai uituan miniza uituan lai para be pois be transmissaun nee tamba buat ne;e iha nakukun laran be ita labele hare. Haktuir Augostu Hornai.

Aleinde ne’e husi servisu edukasaun munisipal Baucau mos nafatin apelu ba eskola sira iha territóriu munsipiu Baucau hodi nafatin kumpri regras husi ministériu saúde no organizasaun saude mundiál fó sai, wainhira kontinua prosesu ensinu aprendisajem, enkuantu tuir observasaun jornalista RCLM baucau nota katak segudan feira ne’e eskola hotu iha baucau villa kuaze maioria mak la iha prosesu ensinu aprendisajem.
Jornalista :NB and CP

Editór :Agus Guterres

Comment