by

SVFSB kontinua valoriza no servi foin sae sira iha Munisipiu Baucau


Kordenador Sentru Vizaun Foin Sae Baucau(VFSB) Silvino dos Reis Freitas,hateten Sentru Vizaun Foin Sae nafatin iha komitmentu hodi kontinua valoriza no servi foin sira,liu husi formasaun oioin ba futuru foin sae sira nian iha Munisipiu baucau tamba ne’e ohin halo nia aniversariu , graduantes no estudantes tinan akademia,inklui formadores sira husi vizaun foin sae halo aniversariu atu bele dignifika nafatin sentru vizasaun foin sae nia ezistensia.

“ohin ami komemora loron anversariu ezistensia sentru vizaun foin sae nian ne’ebe eziste iha tinan 2005 to’o 2021 halo ba tinan sanolu resin ne’en ona tamba ne’e ami ho juventude sira iha sentru ne’e atu komemora ho ami nia sentimentu hodi valoriza sentruformasaun ida ne’e no kontinua fo servi nafatin ba foin sae sira ne’ebe iha komitementu hodi aprende iha sentru ne’e”dehan Silvino ba jornalista RCLM Kinta feira(04/03).

Silvino esplika durante ezistensia vizaun foin sae to’o agora produz ona formandu hamutuk atus ne’en sanolu resin sia,enkuantu husi formandu hirak ne’e balun hetan ona servisu ho kategoria iha funsionáriu públiku,, NGO no balun sei kontinua nia estudu iha universidade.

“hahu loke sentru ida ne’e to’o agora produz ona graduante hamutuk atus ne’en sannolu resin sia husi graduante hirak ne’ebe remata ona formasaun sira balun sevisu ona ho kategoria funsionariu publiku balun kontratadu balun NGO no balun kontinua nia estudu iha uneversidade sira”

Graduante husi Sentru vizaun foin sae baucau Tomas dos Santos Morereia agradese no kontente tambá sentru refere bele kapasita juventude sira nia koñesementu iha area administrasaun.
Sentru formasaun vizaun foin sae ida ne’e hau sente kontente tamba hau mai tuir formasaun bele kapasita hau nia abilidade iha area saida deit mak loke iha ne’e no ohin loron espesial ba sentru ida ne’e bad ala sanolu resin ne’en” Dehan Tomas

Entertantu estudante Carmaneza Beatris Pinto Varela sente kontente tamba bele organiza serimonia aniversariu vizaun foin sae ba dala sonolu resin ne’en ho susesu maske ho tempu limitadu.

“hau nu’udar senadu iha sentru ne’e hau sente kontente tamba foin primeira vez organiza serimonia simples aniversariu sentru formasaun ba dala sanolu resin ne’en ho diak maske ho tempu ne’ebe limitadu”Carmaneza

Hola aprte iha aniverariu vizaun foin sae baucau mak hanesan Kordenador sentru vizaun foin sae ho nia estrutura,graduante sira inklui estudante tinan akademia rihun rua rua nolu resin ida.

jornalista : Abrão Freitas

Comment