by

Prosesu Apredisajem iha SVFSB kontinua Kolabora hamutuk ho MS no OMS hodi halo prevensaun ba Covid-19


Kordenador Sentru Vizaun Foin Sae Silvino dos Reis Freitas hateten,hare’e ba situasaun agora pademia covid-19 iha Timor-Leste hahu trasmisaun lokál la’o iha Munisípiu Covalima tambá ne’e sentru formasaun vizaun foin sae baucau kontinua kolabora ho Ministériu Saúde no Organizasaun Mundiál Saúde liu husi servisu saúde munisípiu baucau hodi halo prevensaun ba covid-19 tuir regras ne’ebe mak estabelese ona.

Nia afirma iha sentru refere manten no asegura nafatin regras sira hanesan fase liman ho sabaun antes tama aula apredisajem,uza maskra no distansiamentu social.

“hare’e ba situasaun moras Covid-19 ne’ebe afeta munudu inklui nasaun timor leste ami iha sentru ne’e la’o kontinua manten nafatin distasimentu social fase liman uza maskra i ami servisu ho ministeriu saude sira nafatin mai observa nafatin sentru ida ne’e dala barak ema dehan la bele akumula ema barak maibe ami kontinua implementa regras ne’ebe mak estabelese ona husi MS no OMS”dehan Silvino ba Jornalista RCLM kinta feira (04/03)hafoin halo aniversariu ezistensia vizaun foin sae ba dala sanolu resin ne’en.

Kordenador salienta tan sala aula iha sentru vizaun foin sae baucau hamutuk tolu bele fahe ba ema nain Ualu ou ne’en depende ba distansia sala aula nianatu nune’e bele kumpri distansiamentu sociál.

“iha ne’e aula tolu iha ema nain rua nolu maibe ami bele fahe ba nain Ualu ou ne’en tuir luan sala nian atu nune’e estudantes sira halo distansimanetu iha sala laran”

Entertantu observasaun jornalista iha terenu notak katak ,sentru vizaun foin sae baucau prepara ona kondisaun minimu hodi bele hahu aula normal ba tinan ne’e.

Jornalista : Abrão Freitas

Editór : Agus Guterres

Comment