by

PCIC Ho Komando PNTL Munisípiu Baucau Rekoilla Kupon Ilegál No Osan Iha Area Baucau Vila.


Polisia Sientífika Investigasaun kriminál servisu hamutuk ho komando PNTL Munisípiu Baucau ezekuta mandadu dentensaun no buska husi Tribunál Distrital Baucau ba jogus elisitus ka SDSB ne’ebé detein autór nain ha‘at ho inisiál MFF, AC, SF, no AK inklui evidensia balun hanesan osan no kupon ilegál.

Adjunto Policia Científica Investigasaun Criminal Adino Nunes Cabral iha konfrensia da imprensa ba jornalista Radio Comunidade Lian Matebean Baucau iha salaun enkontru PNTL Municipio Baucau hateten inisiu ba krime ne‘ebé rejume ba suspeito nain ha‘at iha indikasaun forte ba esplorasaun jogus elisitus, hanesan falsifikasaun no fraude fiskal.

Adjunto polisia sientifika investigasaun kriminál afirma maske detein ona suspeitu nain ha‘at maibé iha presunsaun inusensia bainhira sida‘uk iha desizaun finál husi tribunál.

“Policia Cientifika Investigasaun Kriminal simu mandadu de tensaun no buska husi tribunal distritál Baucau iha semana liu ba ita simu mandadu para atu halo detensaun no halo buska ita konsege ezekuta ita halo detensaun ba ema nain haat no ita halo buska mos ba lokál i ita konsege rekolla provas balun iha osan ida ne’e hanesan faze inisial ida mesmu ke ita detein ona suspeitu nain ha‘at maibé sira nafatin entre aspas iha perizusaun inesens wainhira seidauk iha desizaun defenitiva husi tribunal katak ema ida sala ne’e seidauk ita ema ida labele kondena katak ema ne’e sala prosesu ne’e hanesan faze inisial ita hein prosesu investigasaun to’o iha tribunál,tribunál mak bele hateten ema ida sala ou loos konforme mandadu ne’ebé ita simu inisiu ba krime ne’ebé mak suspeitu prezuma ba feto nain ha‘at ne’ebé ita detein tiha ona iha indikasaun ba esplorasaun jogu inísitu falsifikasaun no fraude fiskal enkuantu ligadu ho fraude fiskal hatudu katak laiha pagamentu ba taxa” Dehan Adjunto Policia Científica Investigasaun Criminal Adino Nunes Cabral sesta-feira (05/03/21)

Komandante polisia Munisipiu Baucau Superintendenti Xefi Armando Montéiru hateten komando PNTL Baucau prontu fó apoiu hodi exekuta mandandu tribunál nian hodi kombate krime ne’ebé eziste iha Munisípiu Baucau.

”Komandu PNTL Munisipiu Baucau apoiu oprasionál kordenasaun komunikasaun ho policias sientifika investigasaun kriminal ninian ne’ebé mak liu husi kordenasaun ou komunikasaun apoiu oprasional oinsa atu bele identifika no lokaliza ba aktividades jogu inisitu ne’ebé mak la’o hela iha area Munisipiu Baucau liu husi apoiu oprasionál ida ne’e kordenasaun komunikasaun diak teb-tebes no rezultadu mak ohin adjuntu PCIC hato’o tiha ona ba públiku ida ne’e tanba ne’e mak komandu PNTL prontu no preparadu kualker notifkasaun ou kualker mandadu ne’ebé mak mai ami sempre kordenasaun komunikasaun diak oinsa ita bele kombate krime ne’ebé mak la’o hela iha area munisipiu baucau” Dehan Komandante policia Municipio Baucau Superintendenti Xefi Armando Monteiru

Tuir planu semana ne‘e sei apresenta kasu nee ba ministeriu publiku atu kontinua audensia julgamentu premeiru interogatóriu iha Tribunál Distritál Baucau.

Jornalista : Feliciano Venancio Belo

Editór : Agus Guterres

Comment