by

Komunidade Ana-Ulo Apresia ho Programa Sesta Bazika ne’ebé Oferese Husi Governu

Komunidade Aldeia Ana-ulo Suco Bahú, apresia ho programa sesta bazika neebé oferese husi governo ba sira.
Ceçilia Mira de Jejus nu’udar reprezentante benefisiariu programa sesta bazika, ba jornalista Radio Comunidade Lian Matebean Baucau, Sesta-feira ne’e iha suco Bahú hateten, sente kontente ho programa sesta bazika ne’e, tamba Governo ho inisiativa di’ak bele ajuda ona nia povu, maske iha situasaun Covid nia laran.

Hatan mos kona-ba montante ba folin sasan nebe destribui husi governo, Ceçilia akresenta, Nia parte rasik sei la hare’e ba sasan nia folin, maibe nia sente ida ne’e di’ak no naton ona ba Nia inklui ho Nia familia.

“Ha’u sente kontente tamba ida ne’e laos servisu ida be ha’u halo maibe govrnu di’ak mak hanesan be apoiu bu’at sira ne’e mai ami maske iha covid nia laran ami sente kontente tebes, ha’u sente karik ha’u nia oan barak ne’ebe ha’u sente ida hanesan atu nusa mos naton ba ha’u nia familia ba ha’u privado ne’e di’ak hanesan maiz ou menuz, mina fos sabaun masin-midar no iha tan seluk ne’ebé iha laran ha’u seidauk revista” dehan Ceçilia Mira de jejus sesta-feira (05/03/21)

Iha fatin hanesan, Liborio Mira da Costa nu’udar Xefe Aldeia Ana-Ulo akresenta, Total uma kain husi Aldeia Ana-Ulo ne’ebé sei simu programa sesta bazika hamutuk uma kain Atus Hitu Rua Nulo Resin ualu, husi total populasaun hamutuk Rihun Tolu ATus Ualu Neen Nulo Resin Tolu. Sasan hirak ne’ebé destribui mak hanesan Foos, Mina Bimoli, inklui ho protudo local seluk.

“Ha’u nia KK ne’e tuju ratus dua pulu delapan KK, populasaun tomak iha tiga ribu delapan ratus enam pulu tiga, hanesan foos mina bimoli sasan be produtu lokál sira hanesan kafé masin-midar sabaun ida ne’e maka agora dadauk ne’e entesiago governu ne’ebé maka prepara respesiál liu ba sega” Dehan Xefe Aldeia Ana-ulo Liborio Mira da Costa (05/03/21)

Liborio Hatutan, Durante faze destribuisaun, iha moos sasan balun ne’ebé aat kauza husi udan ne’ebé akontese maka hanesan, Foos inklui mos ho sasan produto lokál seluk, maibe sasan hirak ne’e la destribui ba komunidade sira.

“Sasan balun aat iha hanesan foos sexta basika sasan ne’ebé produtu lokál so de’it hare iha udan ga be kona n’e’e mak dodok maibé ne’e ami sei la destribui ba komunidade sira. ami rai hamutuk hela iha ne’e. ba ami suku bahu aldeia Ana-Ulo nia ne’e laiha pentin sasan ne’ebé ami hakarak sosa ne’e kualidade ne’ebé di’ak nafatin para komunidade sustente sira nia moris ou sira ne’ebé han bele hetan saude di’ak”

Xefe Aldeia Ana-Ulo hato’o agradese ba governu, liu husi programa sesta bazika ne’ebé oferese ona ba komunidade, tamba bele ajuda ona sira atu hatutan moris iha tempo Covid -19 nia laran.
Tuir observasaun Jornalista nian iha terenu nota katak sei iha komunidade barak maka la kumpri ba regras prevensaun ne’ebé fo sai husi Ministerio Saude.
Jornalista :Nazario Bento And Calistro Pereira

Editór : Agus Guterres

Comment