by

Assosiasaun TANE Konsumidór Hapara Aktividade Sosializasaun iha Eskola Sekundaria Santo António Baucau


Assosiasaun TANE komsumidor sesta feira ne’e, hapara sira nia aktividade sosializasaun kona-ba oinsa assesu imformasaun , liu husi internet iha média sosiál ba estudante Eskola Sekundaria Santo Antonio Baucau ,tamba relasiona ho deskonfia suspeitu covid-19 iha Munisipiu Baucau.

Prezidente Assosiasaun TANE Komsumidor Ramos da Silva,ba Jornalista Radio Comunidade Lian Matebian Baucau hateten,assosiasaun tane komsumidor prevé nia aktividade sosializasaun, tamba bazeia ba suspeitu deskonfia covid-19 ne’ebé akontese iha Munisípiu Baucau no kumpri mos desizaun husi ministériu relevante no autoridade munisípiu nian.

Nia afirma assosiasaun tane komsumidor sei iha komprimisiu ida hodi kontinua fó imformasaun ba estudante sira,wainhira sai komsumidor ba imforamsaun ne’ebé mak iha,tamba dadaun ne’e estudante barak mak sai vítima wainhira uza média sosiál.

“Kestaun de pandemia covid-19 ita hotu tenki obdese ba desizaun husi estadu liu husi ministeriu saude iha nivel lokal ita tenki obdese ba dezisaun ne’ebe mai husi autoridade municipal tamba krize ida ne’e krize ida ke afeita ba mundu tomak pezar de ema hotu agora iha ona vasina maibe ita nia seidauk to’o maibe diak liu prevene para labele mai ita,no se lasala kazal ida ne’ebe suspeitu horseik iha baucau ne’e oan ida mos eskola iha ne’e,ne’e diak liu ita prevene liu radio comunidade lian matebian baucau ami apela nafatin para ba familia ba komunidade kumpri nafatin regras protokolu husi ministeriu saude tamba moras ne’e mai husi ita maibe mos ba ita nia familia no mos ba ita nia familia neduni ita mak tenki kuidadu an no mos kumpri ba autoridade sira nia regras liu-liu buat tolu baziku liu mak distansiamentu sosial maskra no fase liman kona ba aktividade sosializasaun ba loron ida ohin orsida ami sei kordena ho eskola para ami sei fila fali mai iha situasaun ne’ebe normal iha semana oin ka fulan oin ne’e hanesan komprimisiu ida husi ami tamba imformasaun ne’e importante ba estudante sira liu-liu idade ki’ik sira” Dehan Prezidente Assosiasaun TANE Komsumidor Ramos da Silva ba Jornalista Radio Comunidade Lian Matebian Baucau,(Sesta-Feira,05/03/021).

Nia hatutan aktividade sosializasaun ne’e importante ba komsumidor sira,tamba liu husi sosializasaun ne’e komsumidor sira bele komprende sira nia direitu ho di’ak.

“ko’alia kona ba konsumidor kuaze hotu,konsumu husi produtu lokal sira,no husi presidente republika to’o mai xefe aldeia ne’e hotu-hotu konsumidores nune’e aktividades ne’e importante para konsumidor sira komprende sira nia direitu se konsumidor sira komprende ona sira nia direitu ne’e mos benefisiu ba dezenvolvimentu ekonomiku tamba lei de protesaun konsumidor ninia prinsipiu ne’e rua deit mak proteje konsumidor sira I no mos proteje interrese estadu nian I dalabarak ita nia populasaun sira mak sempre sai vitima ba konsumu nian liu-liu por ezemplu kuaze ema hotu vitima ba telekomunikasaun,vitima ba EDTL vitima ba konsumu sira hanesan sasan sira nia tama mai ou sasan sira expair ne’eduni ami nia presenja ne’e para atu sosializa ba konsumidor liu-liu konsumidor joven sira no husi sira bele hada’et imformasaun ne’e ba komunidade sira” Haktuir Ramos da Silva.

Entertantu Adjuntu Diretor Eskola Sekundaria Santo Antonio Baucau Antonio Doutel Soares hateten, razaun eskola hapara aktividade sosializasaun husi assosiasaun tane komsumidaora, tamba hetan orientasaun husi presidente autoridade munisipiu Baucau no deskonfia mos suspeitu covid-19 iha munisípiu Baucau.

“Sim aktividade ba sosializasaun ba loron ida ohin ne’e la iha tamba bazeia ba imformasaun ne’ebe mak iha katak iha baucau ita nia sidadaun ida deskonfia covid-19 ho razaun ne’e mak aktividade la iha no ami mos haruka estudante sira fila ba uma hodi loron rua wainhira desizaun husi presidente autoridade munisipiu” Dehan Adjuntu Diretor Eskola Sekundaria Santo Antonio Baucau Antonio Doutel Soares,sesta feira ne’e iha ESSA Baucau.

Razaun eskola hapara aktividade prosusu aprendisajem no aktividade sosializasaun husi assosiasaun tane konsumidor, tamba deskonfia iha estudante ida husi eskola refere halo kontaktu ho familia deskonfia covid-19.
Jornalista :Nazario Bento And Calistro Pereira

Editór : Agus Guterres

Comment