by

Tempu badak SERVE.IP sei Rekruta Funsionáriu Foun ba Lojístika iha Munisípiu Baucau


Relasiona prokupasaun no difikuldade ne’ebé SERVE. IP Munisipiu Baucau hasoru hanesan rekursu umanu, ekipamentu inklui eletresidade no liña internet ne’ebé sempre difikulta servisu SERVE.IP nian, Diretur Ezekutivu Nasionál Florêncio Sanches hateten,tuir planu iha tinan ne’e sei halo rekrutamentu ba ema nain tolu hodi apoiu servisu iha parte logístika nian tamba dadaun ne’e SERVE.IP finaliza ona ho komisaun funsaun públika hodi halo rekrutamentu.

Nia afirma rekrutamentu ne’e la’os hala’o deit ba munisípiu baucau maibé sei hala’o iha teritóriu Timor-Leste nian liu ema nain atus ida liu.

Agora dadauk tinan ida ne’e ita halo tan rekrutamentu ami foinfinaliza sira husi komisaun publika prepara no alista hotu ona parese segunda semana fulan ida ne’e ita halo publikasaun atu nune’e rekruta tan no ohin hau husu tiha ona imi presiza tan ema nain hira sira ohin dehan presiza tan ema nain tolu ga nain haat ida hanesan ne’e para liu-liu iha parte lojistiku ninian para tau matan ba sasan sira hanesan no administrasaun maibe territoriu tomak ita sei rekruta mais ou menus atus ida liu tamba tinan kotuk ita rekruta ema atus ida liu para kobre territoriu tomak atu halo kompleta sukursal sira ne’e iha territoriu tomak” Dehan Diretur Ezekutivu Nasionál Florencio Sanches ba jornalista sira (Tersa-feira,02/03/21).

Florêncio Sanches hatutan aleinde rekrutamentu ba funsionáriu foun, Diretur SERVE.IP nasionál mos sei responde ekipamentu hanesan komputadór ba funsionariu SERVE.IP sira hodi uza ba servisu tamba dadaun ne’e Komputador la sufisiente atu halo atendementu públiku.

Nia esplika aleinde ekipamentu sei hadi’a mós liña eletrisidade no internet hodi fasilita ekipa sira atu aselera servisu atendementu nian tamba dadaun ne’e eletrisidade iha deit mono fase no internet la funsiona ho di’ak

Ohin dadersan hau halo enkontru ida mais ou menus 15 minutus hau hetan tiha ona katak iha assuntu tolu ne’ebe mak hau foti primeiru mak eletrisidade nia forsa lato’o atu fornese,segundu problema ho Ar Condisionadu I terseiru iha Ar Condisionadu foun ne’ebé ke iha maibe sira la instala agora problema saida mak akontese husi sukursal baucau loke tiha ona konkursu dala tolu maibe ida la liu se la liu ona ohin hau hateten katak se la liu hanesan ne’e tenki justifika para atu nune’e husi nasional bele fornese hela servisu mai porque servisu iha ne’e servisu publiku ne’ebe ita labele hapara ita atende didiak ho sira atu nune’e sira bele halo negosiu ho diak no sira kuandu negosiu diak sira hetan lukru diak selu taxa fila fali mai estadu tamba ne’e hau foti tenderizasaun katak Pontus tolu ne’ebe mak hau alista sei lori ba dili para bele hare’e ba ida ne’e” Florencio haktuir.

Entertantu ekipamentu komputador ne’ebé sei apoiu ba servisu SERVE.IP iha teritória Timor laran tomak hamutuk Lima nolu.
Jornalista: AG

Editór : Agus Guterres

Comment