by

PAM Baucau Sei Fó Koima ba Komunidade Ne’ebé So’e Lixu Arbiru


Presidedente Autóridade Munisípiu Baucau sei fó koima ou multa ba komunidade sira ne’ebé mak so’e lixu arbiru iha Munisípiu Baucau tamba relasiona ho lixu ne’ebé mak naklekar bele estraga imajem baucau nian.

Lia hirak ne’e hato’o husi Presidente Autóridade Munisípiu Baucau Olivio Freitas Bou-Lesa kinta feira ne’e hafoin partisipa iha talk show iha studio radio Comunidade Lian Matebian Baucau hateten, tuir planu bazeia ba lei sei implementa koima ba komunidade no loja nain sira ne’ebé mak dadaun ne’e soe lixu arbiru iha fatin-fatin,tamba tuir nia koima hirak ne’ebé mak iha sei tama ba kofre estadu.

Nia afirma tamba observasaun ne’ebé mak iha dadaun ne’e komunidade barak mak la soe lixu iha nia fatin ne’ebé mak iha liu-liu iha area Vila-Nova nian.

“ita sei halo ida ne’e tamba ne’e lei,tamba ita kuandu implementa tuir lei ne’e ita la sala,ita hanoin halo deit ne’e mak sala se lei haruka dehan tenki hanesan ne’e ita halo tuir tamba ita implementa lei duke hau haruka ema seluk multa ka koima ne’e osan mai fali tama hau nia bolsu ne’e labele mais selu ba fali kofre no konta munisipiu ne’e buat seluk I osan ne’ebe mak sira fo mai sei fila fali ba ita hotu iha baucau laran no liu-liu sira hanesan sae ba iha villa ona lixu fatin ne’e hamrik iha fatin ida sira ba soe lixu iha fatin seluk ne’e sei aumenta deit volume de servisu ba ema sira ne’ebe mak servisu no husu atu ema hotu-hotu tenki soe foer iha nia fatin” Dehan Presidente Autoridade Munisípiu Baucau Olivio Freitas Bou-Lesa, (Kinta-Feira,04/03).

Aleinde lixu ne’ebé naklekar,lider másimu munisípiu ne’e mos husu ba komunidade vendedores sira la bele okupa hodi halo uma iha Estrada ninin liu-liu hanesan dalan paseiu tamba tuir observasaun dadaun ne’e komunidade vendedores sira iha Munisípiu Baucau barak mak okupa hela fatin hirak ne’e .

“Hau mos hakarak husu ba malu sira vendedores ne’ebe mak tau fali lona iha tortoariu ou dalan tamba bele halo ema paseiu ne’e lao labele no sira tenki lao iha Estrada klaran hanesan mos ita hotu hatene katak ita nia munisipiu baucau karreta soke labarik barak tamba ho hahalok sira ne’e mak akontese buat hirak ne’e,no se mak sobu ka boot tortoariu ou dalan paseiu ida ne’e,ne’e sala no tenki hetan multa tau deit sasan iha leten liu-liu loja nain sira tau deit sasan mos labele no se mak halo uma iha leten uma ne’e tenki sobu la iha lei ida kondena hau wainhira hau haruka ema sobu uma hirak ne’e,lei sei sei ajuda tan hau no haruka hau atu sobu duni hahalok sira ne’e” Olivio Freitas Bou-Lesa akresenta.

Entertantu Presidente Autoridade Munisipiu Baucau husu nafatin ba komunidade vendedores sira hodi labele soe lixu arbiru.
Jornalista :NB and CP

Editór : Agus Guterres

Comment