by

Komunidade Munisípiu Baucau Paniku ho isu sidadaun lokál ida hetan pozitivu Covid-19


Relasiona ho informasaun ne’ebé espailla iha media sociál katak sidadaun lokál ida deskonfia pozitivu Covid-19 halo trauma komunidade sira tambá la iha esplikasaun hosi entidade relevante.
Kestaun ne’e hato’o hosi komunidade Regina Maria ba jornalista RCLM-Baucau hateten senti trauma tambá komunidade ne’ebé deskofia pozitivu Covid-19 hela kedas iha area Bugati Suku Tirilolo Postu Administrativu Baucau Vila enkuantu sidadaun ne’e mós halo kontaktu barak ho komunidade sira seluk iha merkadu tambá kinta fera nu’udar loron bazar iha merkadu Vila Nova baucau.

sidadaun ne’e kan iha los komunidade nia klaran depois informasaun dehan hela iha area Bugaiti satan ohin loron kinta tempu bazar sira ne’ebe mak ba bazar foin fila ne’e paniku demais tambá ita la hatene katak ema ne’e ba ona bazaar ga seidauk nia halo ona kontaktu ho sese,ida ne’e mak halo ita paniku tambá moras covid-19 ne’e la’os moras bai-bain” Dehan Regina hosi Via Telefoni ba RCLM-Baucau.

Regina husu ba entidade ne’ebé mak toma konta ba asuntu Covid-19 nian wainhira rona isu peresiza hato’o lalais informasaun klaru ba komunidade sira nune’e la bele paniku.

se iha iso hanesan ne’e parte relevante sira ne’ebe mak tama konta ba asuntu ne’e tenke fahe informasaun husi media kredivel ruma iha munisipiu baucau nian,se iformasaun ne’e seidauk klaru mos tenke fo sai informasaun klaru ba komunidade sira atu nune’e sira bele tenan la bele paniku”Dehan Regina.

Entertantu Diretur AOB ( Asosiasaun ONG,s Baucau) Augustu Pires Hateten informasaun ne’ebé mak espailla iha media social hanesan alerta ida ba sidadaun hotu hotu atu matan mós tambá dala barak komunidade sira kontra ho regra ne’ebé fó sai hosi ministériu saúde no OMS.

“ita hare’e iformasaun hirak ne’e husi media social ita dehan katak trauma maibe buat sira hanesan ne’e hanesan alerta ida para ita matan mos tamba dala barak iha media social sira ema barak komentar katak sira la fiar kuandu sira la hare’e i dalaruma ita mos kontrariu fali planu governu nian liu-liu saude nian kona ba oinsa combate tamba ne’e iformasaun ne’ebe iha ne’e hanesan alerta ida ba ita atu nune’e ita bele halo prevensaun,se kazu ida ne’e akontese duni mak ita aprende maibe buat arepende ne’e depois de akontesementu” Fehan Augustu Pires

Hatan ba perkupasaun komunidade nian Xefe Departementu Formasaun saúde Munisípiu Baucau Abrão Pinto hateten informasaun ne’ebé espalla iha média sosiál katak sidadaun baucau ida hetan pozitivu covid-19 seidauk klaru tambá dadaun ne’e ekipa vizilánsia sei halo hela Swab daruak ba sidadaun feto ida ho idade hat nolu ne’ebé deskonfia mai hosi Indonesia ka raeoa oecose.

“informasaun ne’ebé dadaun ne’e espalla hela iha media social ne’e ,informasaun ne’ebe mak lolos mak hodi bainhira foti nia sampel Swap lori ba la hatudu rezultadu pozitivu ka negative ne’e mak ohin sira foti tan ona sampel ba segundu nian lori ba depois sei koko iha laboratoriu mak foin it abele hatene rezultadu los pozitivu ga negative ne’ebe informasaun seidauk klaru,ema ne’e baucau nian duni mai husi Indonesia ou Oekusi” Abrâo Pinto

Tuir observasaun jornalista iha terenu nota kataksidadaun ne’ebe deskonfia pozitivu Covid-19 seidauk klaru tamba swab daruak sei iha prosesu examinasaun hosi laboratorium.

Jornalista : Ag

Editór :Agus Guterres

Comment