by

ANPM Sensebiliza Dekretu Lei Downstream ba Entidade Governu ba Munisípiu Baucau no Viqueque


Autoridade Nasional Petróleo no Minarai (ANPM) Sensebiliza dekretu lei Númeru ida bara rihun rua sanolu resin rua(Nu. 1/2012) ba autoridade lokal no entidade governu sira hosi Munisípiu Baucau no Viqueque hodi rona setor downstream no regulamentasaun komplemetar sira liu-liu iha area kombustivel abastesementu nian.

lia hirak ne’e hato’o hosi Prezidente ANPM Folorentino Soares Ferreira ba jornalista sira Tersa-Feira ne’e hateten, objetivu hosi sensebilizasaun ne’e oinsa atu halibur autoridade suku, postu administrativu sira, no entidade governu sira hosi munisipiu rua atu rona dekretu lei downstream nia ne’ebé mak dadaun ne’e regula hela postu kombustivel abastesimentu no empreza sira ne’ebé hala’o operasaun ba postu abastesimentu kombustivel.

Nia afirma dekretu lei ne’ebé mak sensebiliza ba entidade hirak ne’e mak dekretu lei Nu.1/2012 ne’ebé altera ona artigu balun tamba tíknika inklui regulamentu balun ne’ebé mak atu atur hodi hadia.

Obejetivu husi enkontru ida ne’e mak atu halo sensebilizasaun ba ita nia lideres komunitarias sira iha munisipiu rua munisipiu viqueque no baucau ne’ebe ohin ita konsentra iha munispiu baucau ita estende ita nia konvites ba iha ita nia komunidade sira no lideres komunitariu sira husi postu administrador husi munisipiu rua xefe suku sira entidades sira ne’ebe mak relevantes ho entidades governu atu bele mai rona kona ba ita lei downstream nian ne’ebe mak regula hotu ita nia postu abastesimentu kombustivel atu partilla ba sira no mos empreza sira ne’ebe mak hala’o operasaun ba iha postu abastesimentu” Dehan Prezidente ANPM Folorentino Soares Ferreira ba jornalista sira, (Tersa-Feira,02/03/21).

Nia hatutan sensebilizasaun ne’e hala’o iha munisipiu baucau tamba emprezaria barak mak hari’I kombutivel maibé balun seidauk prense rekezitus balun ne’ebé presiza hadia hosi ekipa ANPM hadia nia kualidade no infraestrutura inklui fornesementu abastesementu kobustivel.

Iha bauca tamba iha postu abastesimentu kombustiveis lubuk ida ne’ebe mak iha barak no postu abastesimentu kombustiveis barak mak seidauk priense rekejitus entaun balun deit ne’ebe mak priense rekejitus barak sei problema lubuk ida ne’ebe mak ita tenki hadia atu hasa’e ninia kualidade entermus de infraestrutura no mos kualidade de fornesimentu kombustivel ou fo mina ba komunidade sira” Nia haktuir.

Iha sorin seluk Reprezentante Prezidente Autoridade Munisipiu Baucau Maria Celestinha Viegas hateten hanesan autoridade nafatin nakloke ba autoridade nasional petróleo no minarai hodi kontinua sensebiliza dekretu lei no regulamentu ba kompaña sira nune’e bele hari’I postu abastesimentu konbustivel tuir lei ne’ebé vigora ona iha Timor-Leste.

Hanesan autoridade nakloke atu oinsa mak parte husi autoridade nasional petroleo no minarai bele mai fali halo sosializasaun dekretu lei no regras sira ne’e ba iha kompania sira atu sira bele hare’e ba postu abastesimentu kombustivel iha munisipiu no mos viqueque karik presiza rekjitus sira ho matadalan no lei ne’ebe mak vigora ona iha timor leste ho nune’e mak sensibilizasaun ne’e importante ba iha hau nia belun sira hotu kompañia ou emprezariu lokal sira hotu husi munispiu baucau no mos viqueque hau husu ita boot sira atu hamutuk nafatin hodi rona ho didiak sensibilizasaun husi parte ANPM nian” Dehan Reprezentante Prezidente Autoridade Munisipiu Baucau Maria Celestinha Viegas.

Entertantu Kompaña Jesoria Unip.Lda Janio Amaral da Costa husi Munispiu viqueque hateten sesebilizasaun ne’e importante tamba foka liu ba saúde seguransa hodi asegura kompaña no trabaillador sira wainhira atende problema.

Sensibilizasaun ne’e importante ba ami tamba foka liu kona ba saude seguransa tamba saude seguransa ne’e importante baa mi kompañia no mos ba traballador sira ne’ebe mak servisu iha postu abastesimentu kombustivel” Dehan Kompaña Jesoria Unip.Lda Janio Amaral da Costa ba jornalista sira hafoin partsipa iha sensibillizasaun ne’e.

Partisipa iha sensebilizasaun ne’e mai husi autoridade lokal,administrador postu administrative sira hosi munisipiu baucau no viqueque inklui entidade relevante husi governu .
Jornalista:AG

Editór : Agus Guterres

Comment