by

PAAS 59 iha Munisípiu Baucau asina kontratu ba Salariu Fulan Ne’en

Pesoál Apoiu Admnistrasaun Suku (PAAS) hamutuk lima nolu resin sia tersa feira ne’e asina ona kontratu husi Autóridade Munisípiu Baucau durante fulan neen ,hahu janeiru to’o junhu tinan rihun rua rua nolu resin ida sei simu sira nia salariu atus ida sanolu resin lima ne’ebé realiza iha Centru Convensoen Baucau.

Prezidente Autóridade Munisípiu Baucau Olivio Freitas ba Jornalista Radio Comunidade Lian Matebian Baucau hateten pesoál apoiu admnistrasaun suku lima nolu resin sia ne’ebé ohin asina kontratu sira nia salariu sei hanesan uluk kada fulan ho montante dolares amerikanu atus ida sanolu resin lima no sei la iha mudansa.

Nia afirma maske pesoál apoiu administrasaun suku balun kestiona sira nia salariu ne’ebé minimu no presiza aumenta maibé prezidente autóridade munisípiu la bele halo mudansa ba salariu tamba seidauk iha lei ruma husi governu atu halo mudansa ba sira nia salariu nian.

“ohin simbolikamente kontratadu sira asina ona sei lori ba xefe suku asina tan ikus liu mak mai iha Prezidente Autóridade Munisípiu fo vistu,no sira nia salariu manten nafatin hanesan ulun la iha mudansa atu hadia ida ne’e so lei,lei mak bele halo mudansa ba sira nia salariu tamba buat hotuhotu mai ho lei ita la’os iha kompania ho emprezariu sira kaer osan selu malu deit maibe ba sira teke tuir lei tamba osan ne’e povu hotu nian”dehan PAM Baucau ba Jornalista RCLM(02/03)wainhira remata asina kontratu ho PAAS iha salaun(CCB).

Lider Munisípiu Baucau ne’e, husu ba pesoál apoiu admnistrasaun suku, lima nolu resin sia iha MunisípiuBaucau ne’ebé mak hala’o knar hamutuk ho Autóridade suku to’o iha aldeia tenke halo atendementu diak ba komunidade nia nesesidade iha tempu ne’ebe deit sira presiza.

“nu’undar ema apoiu tekniku ba suku sira tenke iha suku neba halo atendementu ba ita nia komunidade sira nia nesesita karik iha tempu ne’ebe deit mosu iha suku tamba ne’e husi ne’e ba oin nu’undar ema ida fó nia an hodi servi ba nia povu tamba iha suku ne’eba iha ita nia inan aman mak iha neba ita nia familia mak iha neba la’os ema seluk”PAM Baucau hatutan.
Reprezentante pesoál Apoiu Admnistrasaun

Suku,husi Postu Admnistrativu Quelekai Suku Gurusa Inacio Filipe Pereira agradese ba Autóridade Munisípiu tambá sira asina ona kontratu durante fulan neen no nia parte prontu atu servisu hamutuk ho autóridade suku hodi fó atendementu ba komunidade sira iha baze.

“hanesan joven ida hau prontu atu kontribui makas hodi servisu hamutuk ho autóridade lokál sira tambá ita nia nasaun foin mak ukun an ita la bele hanoin ba osan insentivu ki’ik ou bo’ot maibé ita tenke kontribui sevisu hodi fó atendimentu ba ita nia inan no aman sira karik presiza ita nia tulun bazeia ba administrasaun karik sira hetan dezastre ita bele apoiu sira liu husi administrasaun ba dadus sira atu bele ekamina ba parte social hodi bele apoiu emerjensia ba sira”dehan Inacio.

Tuir observasaun Jornalista terenu notak katak,antes atu asina kontratu husi autóridade munisípiu Pesoál Apoiu Admnistrasaun Suku simu mos treinamentu husi UNDP kona ba oinsa halibur dadus ba portál munisipál nia

Jornalista : Abrão Freitas

Editór : Agus Guterres

Comment