by

Liña Eletrisidade no Internet fó Difikulta ba Servisu SERVE.IP Munisípiu Baucau


Liña eletrisidade no internet durante ne’e fó difikulta tebes ba servisu SERVE IP Munisípiu Baucau hodi halo atendimentu ba kliente sira tamba dadaun ne’e eletrisidade parte EDTL instala hela mono fase hodi difikulta servisu SERVE.IP nian wain hira halo atendementu ba Publiku.

lia hirak ne’e hato’o husi Kordenadór SERVE IP Munisípiu Baucau Raul Sanches Lajes ba jornalista sira segunda feira ne’e, iha nia servisu fatin hateten,durante tinan rihun rua sanulu resin sia to’o agora serivisu SERVE IP Munisípiu Baucau enfrenta problema liga ba eletrisidade tamba dadaun ne’e lina eletrisidadde iha SERVE IP nian uza hela mono faze hodi fó difikulta ba lina internet wainhira ekipa halo atendimentu.

Nia afirma, liga ba eletrisidade tuir nia labele uza mono faze tamba eletrisidade nia forsa la to’o hodi kobre ba servisu hotu iha SERVE IP nian tamba wainhira sira uza liu sei mosu konslet hodi atrapailla servisu balun.

“kona listrik ami problema durante iha tinan 2019 ida ne’e ami hasoru kedas tamba iha ne’e ita uza mono faze maibe tuir lolos labele uza ona mono faze ita tenki halo mudansa ba tres fazes para bele foti uitan ba iha enerjia ida ne’e tamba agora ne’e AC ne’ebe mak ami uza ida deit ami labela uza hotu kedan se ami uza hotu iha kontador sempre taka an tamba ho mono faze ne’ebe la dun forsa agora dadaun hau bele dehan kuaze loro-loron tamba ita servisu iha oras ida as vezes mate tiha tamba ita hare’e mos hau lahatene no situasaun saida mak mak afeita no ami mos iha ne’e la iha IT dala barak ami direitamente kontaktu kedas ba ami nia IT iha nasional to’o agora ita hare’e katak internet adves bele lao diak maibe enerjia labele lao estabil rua ne’e sempre soke malu liu-liu mak ida enerjia eletrisidade tamba nia uza mono faze” Dehan Kordenador SERVE IP Munisípiu Baucau Raul Sanches Lajes ba jornalista sira, (segunda-feira,01/03/21).

Raul Sanches Lajes, hatutan ho difikuldade ne’e nia parte hato’o ona ba governu atu hare’e imediatamente ba difikuldade hirak ne’ebé iha ,liu-liu lina internet no eletrisidade tamba durante ne’e difisil tebes hodi halo atendimentu.

“ho difikuldade ne’ebe mak ami hasoru ne’e ami espera katak no ami husu ba estadu katak para se bele karik aselera lalais uitan ita nia lina internet ne’ebe mak fasilita husi ita nia ministeriu transporte e telekomunikasaun ne’ebe mak mai foti tiha ona dadus iha tinan kotuk maibe ate a data seidauk bele resolve mais hau espera katak ida ne’e estadu sei esforsu hela” Nia haktuir.

Maske dadaun ne’e SERVE IP Munisípiu Baucau infrenta problema oi-oin maibé ekipa nafatin servisu hodi halo atendimentu ba kliente sira iha oras servisu.
Jornalista :AG And CP

Editór Agus Guterres

Comment