by

PNTL Baucau Priende Motorizada 14 Entrega Ona Ba PNTL Dili Tamba Deskonfia Na’ok

.
Polisia Nasionál Timor-Leste Munisípiu Baucau priende motorizada hamutuk sanolu resin hat iha area Baucau Vila Munisípiu Baucau ne’ebé deskonfia naok husi Grupo Na’ok Ten Rona Malu (Nakroma) iha tinan kotuk ne’ebé dau-daun ne’e , entrega ona ba Polisía Nasionál Timor-Leste Dili hodi submete ba prosesu investigasaun.

Komadante Policia Munisípiu Baucau Superintendente cefi Armando Montéiro ba Jornalista Radio Comunidade Lian Matebean Baucau tersa feira ne’e hateten relasiona ho kordenasaun no komunikasaun kazu naok motorizada ne’ebé mak akontese iha tinan kotuk hafoin PNTL Dili dezenvolve no monitorin hodi husu apoio ba PNTL Munisípiu Baucau detekta no kaptura suspeitu ho inisial E depois dezenbolve hetan tan suspeitu nain ru ho inisial SRX no ADC nebe kaptura iha loron 26 fulan Febreiru tinan ne’e.

Komadante afirma depois de kaptura suspeitu nain rua, Policia Nasionál Timor-Leste konsegue hetan evidensia motoridaza hamutuk sanolu resin hat iha Munisípio Baucau.

Husi kórdenasaun komunikasaun ida ne’e komando PNTL Baucau kaptura suspeitu ho inisial E, husi kapturasaun ida ne’e ita dezenvolve hodi hetan tan suspeitu nain rua ho inisial SRX no ADC ne’ebè mak kaptura iha dia 26 Febreiru liu ba. Husi informasaun bele dezenvolve suspeitu nain rua ida ne’e mak hetan evidensia motor hamutuk 14 ne’ebè mak ohin ofisialmente entrega husi PSIK Baucau ba PSIK Dili hodi submete ba prosesu investigasaun”. Dehan Komadante Policia Munisípiu Baucau Superintendente Xefi Armando Montéiro (02/03) iha nia kan’ar fatin.

Armando Montéiro hatutan husu ba komunidade sira nebe mak motor lakon iha tinan kotuk bele lori dokumentus motor nian ba iha komando PNTL dili hodi foti fila fali motor herak nee.

durante motor lakon lubuk ida iha dili ne’ebè dadaun ne’e komunidade Baucau lubuk ida mai aprejenta ona mai iha PNTL Baucau, husi motor ne’ebé agora dadaun ita hetan nain mos iha tamba ne’e mak ita kanaliza hotu ba Dili tamba prosesu sira halo iha Dili tamba ne’e mak husu ba ita nia komunidade sira ne’ebé mak motor lakon iha tinan kotuk karik bele lori dokumentus diretemente ba komando PNTL Dili hodi foti fila fali motor refere” Dehan Armando.

Motorizada ne’ebé Polisia Nasional Timor-Leste Munisípiu Baucau enterga ba PNTL Dili kompostu husi beat strit,mio beat , revo Fit , supra X, no vixion ida.
Jornalista : Feliciano Venancio Belo

Editór : Agus Guterres

Comment