by

Komunidade Suku Lelalai La Asesu Transpote Públiku Tambá Dalan Grave.


Udan boot ne’ebé akontese durante semana ida ho balun halo estrada dodok no rai balun halai fó ameasa ba estrada hodi halo komunidade husi suku Lelalai labele asesu ba transporte públiku tambá transporte públiku labele halo movimentu husi sentru LaisoruLai ba suku Lelalai Postu Administrativo Quelicai Munisípiu Baucau.

Kestaun ne’e hato’o husi Xefi Suku Lelalai Salomão Fraga Fernandes ba Jornalista Radio Comunidade Lian Matebean Baucau Segunda feira ne’e hateten dadaun ne’e estrada diresaun husi Lelalai ba iha sentru Laisorulai grave tebes hodi fó difikulta ba komunidade sira hodi lori produtu ba asesu iha merkadu Laisorulai.

Nia afirma estrada refere kuaze tinan tolu resin ona ne’ebé reabilita husi Institutu Gestaun Ekipamentu Munisípiu Baucau ,maibé dadaun ne’e,udan boot halo estrada diresaun husi Suku Lelalai to’o iha sentru Laisorulai kuaze aat hotu ona.

“seman ida udan tui-tuir malu halo Estrada husi laisorulai ba lelalai at hotu fo difikulta ba trasporte sira wainhira halo movimentu ba esrada refere ba merkadu laisorulai,uluk IGE mak ateru maibe tinan tolu beseik tinan hat ona ne’ebe Estrada aat liu hahu husi laisorulai tun ba daemena laoloale iha jardim osoariu dubuwai tun bakraik tama to’o lelalai grave tebes”dehan Salomão ba Jornalista RCLM(01/03)liu husi via telfone.

Xefi suku hatutan estrada ne’ebé liga diresaun husi Suco Lelalai Ba iha sentru Laisorulai kuaze kilometru sanolu resin rua ho balun ,enkuantu husi preukupasaun ne’e nu’udar auto ridade do suco halo ona proposta ba obras públika no Autoridade Municipiu Baucau iha tinan kotuk maibe seidauk hetan resposta ruma husi kompetente

“liu husi media social mos ami sempre apdeit kondisaun Estrada ida ne’e no ami haruka ba IGE tamba koalia kona ba infaestrutura sira mak toma konta uluk at mos sira mak hadia,iha foin dadauk ami surfei ona maibe tempu udan ou ekipamentus hirak ne’e seidauk mai no ami mos seidauk simu informasau husi IGE tamab ne’e ami husu nafatin ba IGEliu husi media bele hadia fila fali esrada husi laisorulai to’o iha lelalai” Dehan Xefi Suku Lelalai Salomão Fraga Fernandes.

Entertantu Xefi suku husu ba Autoridade Munisípiu no institutu gestaun no ekipamemtua Munisípiu baucau atu responde imidiatamente ba preukupasaun populasaun nian liu liu ba estrada ne’ebé dadaun ne’e fo difikulta ba sira nia movimentu .

Jornalista:Feliciano venancio

Editór :Agus Guterres

Comment