by

SERVE.IP Baucau Menus Rekursu Umanus Difikulta Servisu Atendementu Públiku


Hahu tinan rihun rua sanolu resin rua to’o agora servisu SERVE.IP baucau kontinua infrenta problema menus rekursu umanus atu halo atendementu públiku liu-liu emprezariu sira ne’ebé loro-loron mai trata dokumentus .

Kestaun ne’e hato’o hosi Kordenadór SERVE IP Munisípiu Baucau Raul Sanches Lajes Segunda-feira ne’e ba jornalista sira hateten rekursu umanus ne’ebé dadaun ne’e halao servisu atendementu seidauk sufiesente tamba iha deit funsionariu nain hitu atu la bele atende hotu kliente sira ne’ebé trata dokumentu.

“Bem,rekursu umanus ba agora dadaun hau senti katak seidauk sufiesenteami iha ne’e hamutuk nain hitu,seidauk sufiesente atu rejolve númeru ne’ebémak loron-loron sempre ami hasori iha Munisípiu Baucau”. Dehan Kordenadór SERVE IP Munisipiu Baucau Raul Sanches Lajes (01/03/21) iha nia kna’ar Fatin

Nia hatutan alende menus rekursu umanus SERVE.IP Baucau sei falta ekipamentus servisu hanesan komputadór tamba dadaun ne’e iha deit komputadór hat, la to’o ba funsionariu nain tolu seluk hodi halo servisu atendementu.

“Ekipamentus mós hanesan tamba ami nain hirak deit ami uza deit komputadór hat ne’ebe mak estadu fo hela mai ne’ebè seidauk sufiesente,tuir lo-los katak kada funsionariu ida nia tenke iha komputador mas ami iha ne’e hamutuk nain hitu maibé ami iha deit komputadór hat” dehan Raul

Kordenadór atual SERVE IP Baucau husu serve nasionál atu aumenta rekursu umanu no ekipamentus servisu nune’e bele atende públiku sira ho diak.

Jornalista Agus Guterres no Calistro Pereira

Editór : Agus Guterres

Comment