by

Tempu Badak BNCTL sei Konstrui Edifísiu foun Iha Munisípiu Baucau


Tempu badak Banku Nasionál Komersiu Timor_-Leste sei hari’i Edifisiu Foun iha Munisípiu Baucau tambá fatin BNCTL Sukursál dadaun ne’e la sufisiente hodi akumula kliente sira atu simu osan.

Lia hirak ne’e hato’o hosi kordenadór BNCTL sukursál Baucau Olimpio da Silva Pinto ba jornalista, hateten lansamentu ne’e hanesan simbolikamente ba tabela avizu no dezeñu hodi hatudu, rai refere ne’ebé lokaliza iha Watulete Ex Kodim baucau ho metro rihun tolu atus sia ne’en nolu kuadradu sei pretense ba BNCTL sukursál Baucau hodi hari’i edifisiu iha fulan mediu tinan ne’e.

Nia afirma, rai ne’ebé atu hari’i konstrusaun ne’e pertense ona ba BNCTL sukursál Baucau liu hosi despaixu Ministériu Justisa hodi atribui rai refere atu hari’i edifisiu foun iha Munisípiu Baucau.

“lansamentu ida ne’e hanesan simbólika ida atu bele hatene katak buat ne’ebe ami hari’i iha ne’e tuir despaixu ne’ebe mak fo ona mai banku atu hari’i edifisiu foun BNCTL baucau iha future,a,I ami hetan despaixu husi vise ministru ida ne’e hanesan ikus nian hodi nune’ e ami bele konstrui iha rai refere tamba ne’e sei ita tenderijasaun ba ita nia edifisiu sei hala’o iha fulan mediu tinan ne’e”dehan Olimpio Ba jornalista sira(24/02).

Iha sorin seluk Ministériu Justisa, liu husi seksaun atribuisaun no Arendamentu Raimundo Desvaras hateten, Ministériu Justisa hatun ona karta despaixu ba BCNTL sukursál Baucau hodi halo edifisiu foun iha rai ho metro rihun tolu resin, bazeia ba pedidu ne’ebé mak iha, tamba tuir nia durante tinan rua resin rai refere abandona.
“fatin ida ne’e ami atribui ba BNCTL,uluk Unital mak uza maibe tinan rua tolu sira abandona deit aktividade la la’o entaun pedidiu BNCTL baucau tama ami atribui ba sira foin dadau janeiru despaixu tun no rai ne’e pretense ona ba BNCTL”dehan Raimundo”

Diretór Ajensia Planeamentu Munisípiu Baucau Eduardo Filipe Ximenes afirma iha tinan rihun rua sanolu resin sia BCNTL sukursál baucau hato’o ona pedidu ba autóridade munisípiu no kontinua enkamiña ona ba dirasaun terras proridades baucau hodi halo analiza prosedimentu hodi hari’i edifisiu foun.

“ohin ita ofisialmente tau plaka avizu iha rai ida ne’e tamba iha tinan rihun rua sanolu resin sia BNCTL halo pedidiu ida mai autoridade Munisipal i autoridade munisipal enkamina ba iha dirasaun terras propriedades municipal baucau hodi bele estuda no analiza nia prosedimentu legais hodi oinsa sir abele halo atribuisaun ba BNCTL bele halo konstrusaun ba iha edifisiu iha future”dehan Eduardo.

Prezidente konselu veteranus munisipiu baucau Fernandu Gusmão hateten hanesan veteran apoiu hodi hari’I edifisiu BNCTL sukursal baucau tamba edifsiu dadaun ne’e iha Estrada publiku fo risku ba ema nia vida wainhira foti osan.

“ami veteranus apoiu hodi hari’i efisiu BNCTL iha area eis kodim Uatulete tamba iha BNCTL dadaun ne’e iha iha esrada nini ami uluk kedas prekupa iha Estrada ninin mak kareta ruma soke ema problema ba ita hotu nian la’o ba BCTL deit no veteranus deit ita hotu nian hodi rezolve tamba ne’e hau dehan ita loke iha fatin ne’ebe luan”

Wainhira finaliza konstrusaun edifisiu foun BNCTL sukursal baucau sei fo asistensia ba funsionáriu Públiku,Veteranus,idozus no sira seluk tan iha Munisipiu Baucau.

Comment